2014/05/27

BILBOKO TRIATLOIAN ERE MAHALA TTT PUNTAN

Pasa den larunbatean bilbon ospatu zen bertako triatloia, 4.urtez jarraian ospatzen zen eta ironman erdiko distantzian ospatuko zen urtero bezela.
Bertan TTT-MAhalako partaideak izan ziren, aurten aurreko urteetan baina taldekide gutxigorekin baina hauek kalitate bikaina erakutsi zuten.
Nola ez, Maiderrekin hasiko gera, gure super emakume bionikoa, ez dirudi planeta hontakoa denik berriro ere txapela jantzi zuen eta erakustaldi bikain bat emanez batipat azken sektorean, aurkari benetan gogorrak zituen, atzerritar batzuk eta Aida Valiño haundia, estatu mailan punta puntan dabilen triatleta galizarra, txirrindulari profesionala izandako eta ederki moldatzen dena triatloi munduan, bera izan zen uretatik lehen irteten baina maider gertu zuen, bere atzetik 5 segundutara irten zen, bizikletan ordea Aidak bere indarra erakutsi zuen eta korri egitera 2 minutuko aldearekin jetxi zen baina gure Maiderrek bizikleta utzi bezain pronto bere erakustaldia hasi zuen, 3 itzuli ziren eta lehen itzulia amaitzerako Aida harrapatu eta baita atzean utzi ere, hemendik aurrera ez zuen burua galdu eta beste behin erakustaldi eder baten ondoren txapela etxera eraman zuen, probako irabazlea izanik eta aldi berean euskadiko txapelduna distantzia erdian. Ez degu ezer berririk esango beraz besterik gabe taldekide guztien izenean zorionik beroenak, ea zarautzen ere proba polita egiten duen eta punta puntan ibiltzen den.

mutilen Aldetik Aimar izan zen lehena nola ez, lehengo urteko irabazleak ezin izan zuen txapela aurten ere etxera ekarri baina karrera bikaina egin zuen nahiz eta bera ez zegoen oso gustora, dirudienez astean zehar gaixoturik izan zen eta urduritasuna ere medio zela ez zen ase bete geratu, dena dala eta kontutan izanda bertan izandako maila, berak lortutako 9. postua bikaina izan dela esan daiteke, bejondeizula!!!!

Aipatzekoa benetan eduk egin zuen lasterketa, edozeinek amestu dezakena, dena borobila atera zitzaion eta lasterketa ederra egin zuen, hasiera hasieratik punta puntan ibili zen eta indartsu dagoela erakutsi zuen, izen haundien tartean sartuta 55. postua lortu zuen, zorionak.

Ondoren Gorka Sarasola sailkatu zen, 122. postua lortu zuen, bizikletatik edugandik gertu jetxi zen baina korrika egun txarra izan zuen eta ezin izan zuen ordurainoko lasterketa borobildu arantza txiki bat geratu zitzaiolarik baina beti dena ematen duen horietakoa da eta oraingo honetan korrika ezin izan zuen disfrutatu baina iritsiko dira lasterketa gehio.

Eta azkenik Asier sailkatu zen, hau 169. postuan iritsi zen, honek bai igeri eta bai korrika partzial politak egin zituen baina bizikletan ez zuen egun ona izan, atzera pauso bat emanez.

Bestalde aipatzekoa ere Aimarrek euskal herriko txapelketako 3. postua lortu zuela eta taldekako sailkapenean TTT-Mahala euskadiko 3. sailkatu ziren, aimar, edu eta gorkaren denborekin.
Zorionak guztiei!!!

PD: aipatzekoa ere aurreko bi asteburuetan itsaso leundak bi podium lortu zituela ttt-rentzat, bata debako triatloian eta beste gorlizeko triatloian, bietan 3. postua lortuaz.
dudarik ez dago bueltatzen ari dela aspaldi ezagutu genuen Itsaso, animo eta segi horrela!!!

2014/05/07

ASTEBURU OPAROA TTT-MAHALARENTZAT

Izenburuak dion bezela asteburu oparoa izanda da TTT-Mahala taldearentzat.
Triatloiak hasi dira gurean eta asteburu honetan zeuden bi probetan gure emakume bionikoak garaile suertatu dira.
Lehen geltokia larunbatean Bermeon izan zen eta bertan Itsaso Leunda suertatu zen garaile, ez dakigu norbaitek beragatik apustu egiten zuen baina guk bagenekien oso ondo entrenatzen ari zela eta horri bere irabazteko sena gehitu ez gero.....ba garaipena boltsikora!
Ez dakigu, dituen garaipen guztien artean ranking bat egin ez gero berak non jarriko luken larunbatean lortutako hau, baina ezpairik gabe oso garrantzitsua eta baliogarria izan dela guztiok dakigu, bere inguruan egon garenak badakigu zenbat sufritu duen eta zenbat kostatu zaion berriro lasterketetan parte hartzera beraz besterik gabe zorionik beroenak berarentzat eta ea garaipen honek emango dion animoarekin oraindik gorago etortzen zaigun!!!


Proba honetan aipatzeko ere Maialen Muñoz taldekideak parte hartu zuela, honek ere emaitza bikaina lortuaz, 5. izan zen eta Maialen ere lesio batetik irteten ari da beraz emaitza bikaina.
Bestalde, igandean, senperen ospatu zen bertako triatloia urtero legez, hemen ere emaitza paregabea Maider Gaztañagak gairapena lortuz, zer esango degu emakume honen inguruan, guztiok dakigu ze klase duen eta ez degu ezer berririk esango indar erakustaldi bat egin zuela esaten badegu, sailkapen orokorrean 24 pertsona bakarrik izan ziren gai bera gainditzeko, atera kontuak hortik, aurten alpe D´huezera juteko ederki entrenatzen ari da eta notizi oso atxeginak jasoko ditugulakoan gaude aurten ere, zorionik beroena taldekide guztion aldetik bai hoixe!
bestalde senperen beste taldekide batzuk izan ziren, Gorka sarasolak kixton karrera egin zuen, oso oso erregular eta indartsu, orokorrean 40. postuan iritxi zelarik.
Bere atzetik edu izan zen, honek ere karrera polita 56. postuan iritxi zelarik, atzetik aurrera joanez beti bezela.
Ondoren Asier izan zen, honek ez zituen sentsazio oso onak izan, bizikletan behintzat eta eduren aldera bere lasterketa aurretik atzera izan zen eta azkenean 128. postuan iritxi zen.
Ondoren iñigo Esnaola izan genuen, hasiera batean ez zen parte hartzekoa, dena dala azkenean animatu eta bertan izan genuen, iñigo ere pixkanaka hobekuntza ederra izaten ari da eta karrera polita egin zuen, nahiz eta berak esanda honi ere bizikleta sektorea gogorra egin zitzaion. iñigo 212-n izan zen.
Eta azkenik, Sonia izan genuen bertan, honek 256. postua erdietsi zuen karrera oso erregular bat egin ostean.
Larunbat honetan ere deban izango da parada, dakigunez taldekide dexente bertan izango dira beraz zorterik onena opa diegu.
Jorge moralesen argazkia
Jorge Moralesen argazkia
Jorge Moralesen argazkia