2013/03/26

GRUPETETAKO AITZAKIAK ETA NEGARRAK


Oporrak hastear dira..., horrek ez du esan nahi geldi egongo garenik...


Sakana, nafarroako paraje eder honetan  lehiatu zen Altsasuko duatloia. Bertan Lier Etxeberria 39. izan zen gizonezkoetan eta emakumezkoetan Maialen Muñozek 23urte azpiko mailan irabazi zuen, absolutan 4. eginez. "Korrika gehiago egin behar da" esan zuen, helmugara iritsi eta gutxira. Azken batean modalitate honetan parte hartzen duten guztien esaten dutena da, urtetik urtera jendeak gero eta azkarrago egiten duela korri. Zenbat aldatu diren gauzak hamarkada batean!

Orain bi astetako etena dator lehiaketei dagokienez, apirilaren 6an izango da hurrengo zita Gernikako nazioarteko duatloi famatuan. Beraz entrenatzeko aprobetxatu beharko da!

 Pd: Donostian ospatu den beteranoen europako txapelketako irudi esanguratsua.
  60M finala gizonezkoen 90-95 kategorian

"Offtopic" moduan Club de Triatlon HIRUKI Valle Egües -eko weban bilatutakoa kopiatzen dut. Ustez ezagunak egiten baitira bertako kontuak...




2013/03/19

OÑATIKO 4 SEKTOREAK...

Oñati, Euskal Duatloi zirkuituko proba paregabea. Duela urte batzuk arte urteko lehen zitetako bat izaten zen, baina azken urteetako boomak bere aurretik jada proba dexente ospatzea ekarri du. Baina lehen berezia zen, distantzia motzeko lehena izaten zen. Sasoi puntua ikusteko proba  ona dudarik gabe.
Eta akaso, horrexegatik du Oñatik halako ospea, Frantziako eta iparraldeko duatleta ugari ere izaten dira urtero irteera lerroan, jende asko izaten da; hori  kirol mailan islatzen delarik. Aurten ez zegoen inongo titulurik jokoan, baina bertan kirol maila goreneko espektakuloa izan zen. Aipagarria irabazlea, V1 mailako Felix Martinez Rubio izan zela, auskalo zenbatgarren denboraldia daramana mundutxo hontan eta izugarrizko palmaresaren jabe dena.

Gu basurdeok, podiuma zapaldu genuen 23urte azpiko emakumezkoen mailan, beste behin ere maila horretan arerio gutxi dituela erakutsi zuen hemen inguruan. Eta ziur amestu zuela momenturen batean egunean batean maila absolutuan irabazten saiatuko dela, iaz Maiderrek eta urte batzuk lehenago Itsasok egin zuten bezala. Erreferente politak gure gazteentzat. Bide batez animatu hemendik  aurten oraingoz barreraren beste aldean daude bi lagun hauei, laister baino lehen izango zarete eta bueltan! 

Basurde arrak ordea, ez ziren nahi bezala aritu. Akaso entrenamenduak oraindik atzeratuxeago daramatzatelako, euren helburuak uda hasieran baitaude, edo auskalo zergatik... ezin izan zuten momentuan duten sasoi puntuari ahalik eta etekinik onena atera.

Pd 1: Sagardotegian eta ondorengo parranda eta gosarian... hor bai, hor lasterketan sartu ziren berriro eta erakutsi zuten hortarako ere dohai onak dituztela.

 2007az geroztik, Oñatiko duatloiaren ondoren Eguzkitza sagardotegian izaten da 4. sektorearen hasiera....


Pd 2: Ordu berean, taldeko aker batzuk Arriarango Mendi Lasterketan parte hartu zuten, eta nola ez lokazti haietan ipurdiko galantak hartu zituzten.

Pd 3: Hurrengo zita Ermuan izango da, larunbatean, euskadiko duatloi sprint txapelketa jokatuko da arratsaldeko 17tatik aurrera.


Pd 4: Mendiko sekzioak aldiz Orioko Mendi Lasterketan izango du zita, 20km eta desnibela +1000m pasatxo.

2013/03/10

DURANGO: EUSKADIKO DUATLOI MOTZ TXAPELKETA eta beste kontutxo batzuk

1.- Aurreko asteko arantza kendu ahal izan zuen Jose Luisek,  oraingoan epaileek ez zioten inongo trabarik jarri. Podiumeko koxka guztiak probatzen ari zaigu. Bigarren zatiak ere politak direnaren adibide, Absolutuko 30. postua lortu zuen.

 
 
 (Argazkia: Asier Murua)

2.- 23urte azpi mailako duatloietan areriorik ez duela erakutsi zuen beste behin Maialanek.  Txapela beretzat izan zen, esperientzia hartzeko lasterketa aurretik izan zituen oilarrak zein ziren kontuan hartuz.Aboslutuko 14. postua lortu zuen.

(Argazkia: Asier Murua)

3.- Ibon 52. , Javi 53. eta Edu 83. izan ziren lasterketa berean pelotoi nagusiaren barruan.
   
4.- Grupeta; Madozeko itzulia egitekotan zen, Lizarrusti-Zuarrarrate igotzeko asmoz, baina  "eztao potroik" esaldia esan eta Uharte Arakilen Nafarroako Mortiloro igotzen hasi ziren, horretarako pinoi egokirik gabe. Baina 3 kilometro faltan elurra zela eta ezin izan zuten San Migela iritsi. ta klaro buelta erdia eman eta Madoz bidean joan ziren. Ah eta Betelutik taldekako erlojupekoa bailitzan etorri ziren izandako 6 zulatuek sortutako denbora galerak konpondu asmoz.


 
 Argazkia:  Lazaro Gonzalez Ramos, EITB.COM

5.- Mendiko basurdea: Hosto + errekazulo moment:  Senpere Trail, 21km desnibela 1050+, erabat KAO, 8.kilometrotik aurrera lasterketatik kanpora, bitan inguruko sasiak ezagutzeko beharra sentitu zuen, erabat hustuta. Baina oinez,  korrika txikian eta Coca Cola mordoa edanda  mendi buelta osatua.



6.- Oñatiko Duatloia + Sagardotegia, hurrengo asteburuko kontuak izango dira. MAHALA-TOLOSALDEKO TTren garai berritik ona ohitura bilakatu den duatlo-afaria galduezina.

2013/03/06

ISABAKO ABENTURAK ETA KALENTURAK, eta Eibarko duatloia.




                                                                                             Asier Muruaren argazkia

ISABAN IN SITU...
1: Joxeluix exhibition: korrika lehen zazpien taldean; bizikletan lasterketa buruan zan bosteko taldetxoa Belagoan gora hautsi zanean laugarren geatu zan, baino argazki hontan hirugarrena harrapatzen aizan, ta eskiatzen hirugarren hasi zan; eskiatzen besteren artean Gardek eta Mendiak gainditu zuten -azken horrekin sprintean iritsi zan, ta azken bihurgunean arrastoan sartzeagatik erori egin zan-. Euskadiko Txapelketan, esanak esan, beaz: 1.Garde (Izabakoa, baina Trigoikin lizentzia aterata daukana, ta Eneritz tolosarraren mutilaguna),  2.Etor Mendia 3.Joseluis Zabala. Haundiya!!!
2: Txapel naranjagatik baino bizikletagatik identifikatu litekeen espontaneoa. Korrika fiñ, bizikletan 6-7 laguneko grupotik tiraka Belagoa hasi arte, ta... pzzzzzzzzzzz, pintxazo! Ta konpontzeik ez, beaz neskalagunan kotxera sin konplejos. Baino... Belagoan gora, ta refugio paren, kotxetik jaitsi, argazkilaria agurtu, ta... Kontatu hik Edu.
3: Belagua en pleno.
4: 'Recuerdo de Altitoy', by Xandalio
5: Ainhoa Mendia in action. 


EIBARTIK ISABARA edo ISABATIK EIBARRERA
 Oraingoan ez zen euri eta hotzik izan, eguzkipean lehiatu ziren estreinokoz Isabako III. neguko triatloiean parte hartu zutenak. Aurtengoan gure basurdeen ordezkaritza hiru taldekidetara mugatu zen, baina esperantzaz ginen emango zuten lehia zela eta. Baina epaileekin tirabirak izan genituen, Jose Luis berrobitarra, V1 maila eta euskadiko podiumerako lehiatzen ari zena  helmugara iritsi ostean deskalifikatua izan zen. Eskiko sektorean  derrigorrezko hiru itzuliak eman ez zituela egotzita. Ezin gure egia demostratu eta epaileen iritzia gailendu zen. Hala ere, bada detaile bat Jose Mugika Izagirre beteranoak izan zuena berakiko  bere trofeoa eskaintzean. Kiroltasunaren adibide garbia auskalo zenbagarren denboraldia burutzen ari den V2 mailako triatleta nekaezin onentzat.

Emakumezkoei dagokienez, Ainhoa Mendiak ( aurtengo fitxaketa berrietako bat)V1 mailan  2garren postua erdietsi zuen, eta dudarik gabe gustoa hartu dio Isaba aldeko podiumari.

Hirugarren basurdeak ordea, ez zuen bere eguna izan, edo hori esan zuen behintzat... ;), korrika buruarekin taldetxo bat osatu zuten, baina badirudi arazo mekaniko bat baino gehiago izan zituela El Ferialera bidean, eta nola ez horrek denbora galera ekarri zion. Bere erronketako bat ordea, eskiko saioa patinatzaile estiloan egitea zen, neguan lan horretan aritu ostean. Esan eta egin nola ez.

Hau dena, igandean, baina aurreko egunean, Larunbatean, Eibarren Gipuzkoa sprint duatloi txapelketa lehiatzen zen, Hasiera batean Ibon, Alar eta Maialen ziren bertaratzekoak, baina bestelako oilarrak ere gerturatu ziren bertara azken momentuan. Lier Etxeberria (mendi duatloi espezialista), Aitor Regillaga eta Aimar Agirresarobe nekaezinak, azken hau, urten berriro Mahala-Tolosaldeko TT ra itzuli delarik, ilusio eta erronka berrien bila.  Lasterketa oso oso bizkorra izan zela aipatu ziguten, lehen Kilometroa 3'05-3'08" artean egin zutela, eta aurretik 25-30 pertsona zituztela... beraz atera kontuak zer nolako erritmotan dabilen jendea. Maialenek aldiz Sub23ko txapela erdietsi zuen, berak ere jendea azkar atera zela aipatu zuen. Bere mailan arerio gutxi dituela erakutsi zuen ordea.

Hurrengo zita larunbatean Durangon, bertan  euskadiko duatloi  txapelta izango da,  distantzia motzean. Eta idazten ari den honek ere bere debuta izango du mendi karreretan Senpere aldean


EIBARTIK ISABARA...


Oraingoan ez zen euri eta hotzik izan, eguzkipean lehiatu ziren estreinokoz Isabako III. neguko triatloiean parte hartu zutenak. Aurtengoan gure basurdeen ordezkaritza hiru taldekidetara mugatu zen, baina esperantzaz ginen emango zuten lehia zela eta. Baina epaileekin tirabirak izan genituen, Jose Luis berrobitarra, V1 maila eta euskadiko podiumerako lehiatzen ari zena  helmugara iritsi ostean deskalifikatua izan zen. Eskiko sektorean  derrigorrezko hiru itzuliak eman ez zituela egotzita. Ezin gure egia demostratu eta epaileen iritzia gailendu zen. Hala ere, bada detaile bat Jose Mugika Izagirre beteranoak izan zuena berakiko  bere trofeoa eskaintzean. Kiroltasunaren adibide garbia auskalo zenbagarren denboraldia burutzen ari den V2 mailako triatleta nekaezin onentzat.

Emakumezkoei dagokienez, Ainhoa Mendiak ( aurtengo fitxaketa berrietako bat)V1 mailan  2garren postua erdietsi zuen, eta dudarik gabe gustoa hartu dio Isaba aldeko podiumari.

Hirugarren basurdeak ordea, ez zuen bere eguna izan, edo hori esan zuen behintzat... ;), korrika buruarekin taldetxo bat osatu zuten, baina badirudi arazo mekaniko bat baino gehiago izan zituela El Ferialera bidean, eta nola ez horrek denbora galera ekarri zion. Bere erronketako bat ordea, eskiko saioa patinatzaile estiloan egitea zen, neguan lan horretan aritu ostean. Esan eta egin nola ez.

Hau dena, igandean, baina aurreko egunean, Larunbatean, Eibarren Gipuzkoa sprint duatloi txapelketa lehiatzen zen, Hasiera batean Ibon, Alar eta Maialen ziren bertaratzekoak, baina bestelako oilarrak ere gerturatu ziren bertara azken momentuan. Lier Etxeberria (mendi duatloi espezialista), Aitor Regillaga eta Aimar Agirresarobe nekaezinak, azken hau, urten berriro Mahala-Tolosaldeko TT ra itzuli delarik, ilusio eta erronka berrien bila.  Lasterketa oso oso bizkorra izan zela aipatu ziguten, lehen Kilometroa 3'05-3'08" artean egin zutela, eta aurretik 25-30 pertsona zituztela... beraz atera kontuak zer nolako erritmotan dabilen jendea. Maialenek aldiz Sub23ko txapela erdietsi zuen, berak ere jendea azkar atera zela aipatu zuen. Bere mailan arerio gutxi dituela erakutsi zuen ordea.

Hurrengo zita larunbatean Durangon, bertan  euskadiko duatloi  txapelta izango da,  distantzia motzean. Eta idazten ari den honek ere bere debuta izango du mendi karreretan Senpere aldean.