NEGUKO TRIATLOI KOPA AMAITZEAR

Bejar, otsailak 23, Espainiako negu triatloi kopako hirugarren lasterketa elur gabezia zela eta erabat aldatu zen. 6-13-6 distantziak, azkenean 14-4,5-2,3 izango ziren, eta ordena ere erabat aldatuta gainera. Lehenik bizikletan igoera, gero korri elurra zegoen lekuraino mendi bide batetik eta elurra zegoen lekutxo batean joan etorri xume bat. Behintzat ospatu zen eta ez da gutxi. Jose Luis bertan izan zen, 19. izan zen, ez zuen egunik onena izan baina V1 mailako 3. postua lortu zuen.
Igandean kopako azken proba jokatuko da Isaban, bizikletan El ferial , Belagua, arte igo beharko dute bertan eskiatzen amaitzeko. Gaur atsalde arte elur jauzi arriskua zegoen errepidean baina adituek "visto buenoa" eman dute eta errepidea garbitzen hasi dira. Elur pila eta egun eguzkitsua, zer gehiago behar da triatloi eder bat ospatzeko? ziur gure Jose Luisek kopako podium horretarako borrokan indar eta ilusio guztiak utziko dituela. Zorte on ta disfrutau!

Pd: Azkenaldian Maide gure taldekidea "Finisher" eta Triathlon aldizkarietan agertu da, batean azalean eta bestean barruko elkarrizketa batean, egin dioten azkena link honetan ikus dezakezue, gure koloreak ondo erakutsiz gainera! http://www.photodeporte.com/1971/01/maider-gaztanaga.html

Pd: eta gure mutil saltsero bati ere elkarrizketatu diote euskaltrail.com webgunetik
 http://euskaltrail.com/eu/aitor-elduaien-ezagutzen/