Denboraldia aurrera doa, ta jada amaitzekotan da. Helburu potolo guztiak hurrengo astean amaituko dira Langraitzen jokatu den mendi duatloian (zirkuituko azken proba puntuagarria, eta aste hontan beste batzuk eman diote azken ukitua denboraldiari. Orain denak egun famatua den "atseden aktiboa" praktikatzen dute, hau da, kirola osasunaren aldetik, gogoen ta ilusioen ta eguraldiaren arabera.
Amasan aurreko astean Asegi, Regi ta Lier atera ziren. Lehen biak gaueko 02:30tan oraindik tolosako tabernetan zeuden biharamuneko taktika prestatzen, ta halaxe egin zuten 7. eta 8. , Lier 13. izango zen.
Asteburu hontan zita Mallabian zuten, bertan gure ordezkari bakarra Lier, 10. izan zelarik. (eta sailkapen orokorraren faltan esan aurreko astean 9garren zela, eta seguru aste honetakoarekin berdindu edo hobetu egin duela). Komentatzeagatik beste behin Ion Erguienek irabazi zuela, parte hartu duen 5 probetan irabazi duelarik. Ikearria. Animo beraz Lier, irailean hasi zen mendi duatloi hartako abenturako superbibiente bakarra da gure taldean proba guztiak eginez. Azken proba Langraitzen izango dute datorren igandean eta beste ordezkari batzuk ere bertan izango ditugu. Zorte on guztiei beraz.
Maratoia, 42km 192m, atletismoko proba erregina, gorputza hustutzen zaielarik parte hartzaile guztien neurri handiago edo txikiagoan. Dudarik gabe proba polita jendearen aurpegian sufrimenduez jabatzeko km-ak aurrera doazen heinean.
Gure taldetik Gorka Sarasola 3h16'57"ko denborarekin, zirenak ez zirenak sufrituz bere helburua lortu zuen, zorionak motel! Iñigo Esnaolak zorte okerragoa izango zuen, sufritzen hastera zihoan momentuan iskioetako bat harria bezain gogorra sentitu gelditu, luzatu, trotatu, baloratu, ta erretiratu egin zen 26km-an.Ederki zijoan, dena esan behar bada, lastima, baina erabaki burutsua dudarik gabe. Rothen eukiko dezu beste maratoi bat iteko aukera ;). Eta Itsaso, 3h17'11' eginez, beste maratoi bat zakuratuz. Maratoi erdia 1h40' pasa zuen... ederi dudarik gabe, zorionak zuri ere! Eta bere laguntzaileari ere zorionak larunbateko etapa gogorra gero hantxe iraun baitzuen ! ;)
Ba holaxe ekipo, elurraren zain jada gutako asko, eta horregatik amaitzeko asteburu hontan Finlandian jojatu diren bi proben bideo bi, emakumezkoena (Neska oso guapak norbegiako hauek...) bietan indar erakustaldi harrigarriak, nesketan gainera amaiera ere polita da lurrera euren gorputza botata zuten guztia emanaren ondorioz.
ale ba , ostegun atsalde arte!
