AZKENA...

Azkena, 2012ko azken post-a. Beste urte bat gehiago, beste hamaika abentura gehiago... makina bat gauza gehiago.  Ametsak egia bihutu zireneko urtea, emozionatu ginenekoa, irribarre egin genuenekoa, harro sentitu ginenekoa, disfrutatu genuekoa, sufritu genuenekoa, hoztu ginenekoa, negar egin genuenekoa,  zoriontsu izan ginenekoa.. beste behin bizipen desberdinak bizi izan genituenekoa.... eta azken post hau idazteko ideiak agortu zirenekoa. 2013 ere amesten, emozionatzen, irribarrez, harrotasunez, sufritzen, hozten, negarrez, zoriontsu... eta post gehiago idazten jarraituko dugunekoa.

GOGOETA

Diotenez abenduaren 2an mundua amaituko omen da, baina amaitu ezean denak aurrera segituko du.  Tamalez, baten bati bizitza igandean amaitu zitzaion (Goian Bego Iñaki Lejarreta, Berriz, 1983), eta dudarik gabe zer pentsatu handia ekarri digu. Duela hilabete batzuk  Victor Cabedo, 23 urte,  Euskalteleko txirrindularia joan zitzaigunean bezala.  Zoritxarrez, zoriogaiztoko loteria horren dezimoak bizikletan ibiltzen garen guztiok ditugu erosiak, eta burutik pasatzen zaigu hurrenak gu edo gure ingurukoak izan daitezkeela. Baina argi dago ezin dugula hori pentsatuta atera bizikletan, bestela etxean geratuko ginateke.  Gertatu behar badu, hala izan behar zuelako izango da, patuaren liburuan hala zegoelako idatzia. Baina jakin bi ziklista handi hauek  gustukoen egiten zutena praktikatzen ari zirela joan direla!. Amaiera polita dudarik gabe bizizik aterako ez garen bizitza honetarako.  Gaur Arritxu Iribarri (Euskadi Irratiko kirol esataria) feisbuken halaxe irakurtzen nion: "amets gaiztoa ote zen? ez ez zoritxarrez egia, sinistezina. 7etan hileta Berrizen. aze pelotoia osatzen ari den zeruan! eta tristura une hauetan irribarre egiteko balio izan du.

Baina gertatutakoak balio izan dakigula gogoeta egiteko, zenbat aldiz pasa ditugu semaforoak gorrian, zebrabideak jendea zegoela eta kotxeekin rifi rafeak izan nahiz eta guk arrazoirik ez izan, (kontrakoa ere bai noski, gidarien errua ere izaten da beste hainbatatean!). Elkar errespetatzean legoke gakoa, baina gu ziklistok gauza asko ditugu ikasteko edo ondo egiteko, zenbait jokabide aldatu beharko genituzke. Eta jakitun izan behar dugu gero kotxea hartzen dugunean nola ikusten diren gauzak bi aldeetatik. Eta inoiz bizikleta hartu ez duten gidariei esango nieke 1,5m-ko distantzia errespatzeko, aurreratzen ari diren hori ez dela eta tramankulo bat, bizitza bat baizik.!!!

Eta halaxe joan da, Gasteizko maratoi erdia lehiatzen zen asteburua, (TTT-MAHALAkoak ere han izan ziren kilometroak pilatzeko aitzakian!) aurtengoan ez zen elur eta hotz konturik, hegohaize goxoa zen, Santo Tomas egunean mundua amaituko denaren seinale izango ote da? ;)

URRE ZURIA IRITSI DA

Oraindik udazkenean gaudela eski estazioak elurrez lepo daude, iaz ez bezela aurten badirudi elur urtea izango dela. Esaerak dioen bezala, "Urriko hilberrin, elurra aizkorrin". eta horrek esan nahi omen du 7 elurte izango direla, apirila amaiera arte beraz elurra egingo du mendian behintzat. Jada bi pasa dira, oraindik botako dituenak . Ez ahaztu paraje hauetan, urtarrila eta batik bat otsaila direla elur gehien egiten duen urte sasoia.

Hau hasi besterik ez da egin, batzuk entrenatzerakoan  kirol desberdina praktikatzeko, beste batzuk neguko triatloiak buruan, besteren batzuk martxa zuriak... denentzat dago lekua.

Bideoan ikuskoi duzuen bezala (1'06"ko iraupena, beraz ikusi), hau hasiera da. Ah jakin irteera lerro horretan (Vasaloppet) TTTko kideak izanak daudela oker ez banago, demasa izan behar du dudarik gabe.

Hasi bada eskiei hautsak kentzen eta teknika sakontzen...

DONOSTIAKO 35. MARATOIA 2012

42km192m, atletismoko proba erregina. Kronometroaren eta zure buruaren arteko lehia.  Poztasuna, sufrimendua... elkarbanatzen diren denbora tartea. Gorputzaren deposituak amaitzea lortzen duen erronka, barruko guztia hustutzen hasten zaituena, eta batzutan erabat hustu eta bide bazterrean huzten zaituena. Eta onen guztiaren aurkako guztiaren edabe magikoa da entrenamendua, berau da proba hontan egiten duzunaren erantzulea, baina horrek ez du ziurtatzen arrakasta %100ean. Ez baita matematika, maratoia baita.
Ikusteko dagoen probarik ederrenaterikoa, beti baita ederra, miresgarria, gizakiaren muga hoietan jendea dantzan ikustea. Indarrak nola neurtu diren sentitzea, zorionaren, porrotaren... nugak behatzea. 
Munduko errekorra 2h03'38" dagoen proba, ikustekoa izango zen dudarik egun horretan errekorra duen Patrick Makau keniarra korrika, eta baita ere abentura hartan parte hartu zuten besteak ere, km 3' azpitik eginez.

Donostian ez zen munduko errekorrik izan, errekor pertsonalak ordea zientoka izan ziren. Bakoitza izan zen bere buruaren errkorra hautsi zuena, beste batzuk bideak geratu ziren, beste batzuk iritsi baino ez ziren asebete, baina saiatu egin ziren eta horixe da hemen inportantea, saiatu gabe zaila jakitea noraino iritsi ahal zitekeen bakoitza.  Irabazkea Asier Cuevas izan zen, proba motza izan zen berarentzat 100km takoak egiten aritu baita azkenaldian, km 4'ra egiten ditu, komentatzeagatik...

Gauza kuriosoak ere izan zituen maratoiak, lehen km-a. bi gizon aurreratu ziren, 3garren kilometrorako bakarrik  zijoan eta berarekin hasi zen laguna atzeraka joan zen lasterketa osoan, zergatik joan ote zen km 3'20" inguruan lehen kilometroa  bere lasterketa  erritmoa dezente mantsoagoa izanda? Kuriosoa baita 39km ikusi genuela azken aldiz "beltxa", baina ez omen zen Anoetako helmugara iritsi, komeriak zituen egia esan, baina hain gertu izanda!

Jendeak egiten dituen keinuak ere ezin ahaztu, edozein hitz baino gehiagok adierazten dute bakoitzaren prozesioa nolakoa den, 39km-an ikusten badituzu, amaiera gertu dutela somatzen dute... seguruna gehiago ez, esanez....

 Hauxek izan dira gure ezagunek lortu dituzten emaitzak, kojo gutxi dago egia esan gure ingurumari hontan... hurrengo zita abenduak 1an izango da, Arostegieta kalea eta inguruetan... baina horiek beste kontu batzuk dira eta oroitzapenen kronikan gordeko dira, inongo testimonio seriorik gabe.
EKIPOKO BAZKARIA BAITA !! Eta azken urtetako ohiturari segituz ANIMATZAILEENA ERE BAI EZTA?
 TOLOSA

39	25	02:41:04	JOSEBA	JAUREGI LEUNDA
40	26	02:41:04	IKER	PAGOLA GURUZEAGA
141	100	02:49:27	JOSE MARI	BELDARRAIN SALABERRIA
148	104	02:49:37	IBON	GONZALEZ LOITEGI
172	44	02:51:25	JOSEBA	USABIAGA AMONDARAIN
364	262	02:59:34	JOSE LUIS	ARRIZABALAGA
419	300	03:01:06	JON	ESTENSORO JAUREGI
428	307	03:01:32	IKER	ETXEBERRIA ALBISU
429	95	03:01:34	ENEKO	PUYADENA URKOLA
511	365	03:05:31	FELIX	BELAUNZARAN SAN SEBASTIAN
574	128	03:08:24	XABIER	CARRERA UGARTEMENDIA
575	405	03:08:24	DAVID	ETXABE MUJIKA
576	406	03:08:24	JESUS MARI	PAGOLA LARRAÑAGA
632	439	03:10:10	JESUS Mª	GASTESI IRIARTE
739	509	03:13:40	UNAI	UGARTEMENDIA ZUBELDIA
790	546	03:14:55	XABIER	GOENAGA LOPETEGUI
957	663	03:20:13	DAVID	GOIKOETXEA VALVERDE
984	681	03:21:01	FERMIN	ARREGUI IRAZUSTA
1174	101	03:26:31	JOSERRA	URRETABIZKAIA SARASOLA
1280	24	03:28:48	IDOIA	LABAYEN IBARGUREN

363	295	03:29:53	ASIER	LARREA LLAMAS
1383	926	03:30:12	IÑAKI	URKIZAR
1413	946	03:31:13	MIKEL	ZABALA RAMOS
2027	1303	03:51:47	JON ANDER	GALARZA AIZPURU

IBARRA

62	115	02:50:16	JAVIER	MOVELLAN GIBAJA
177	45	02:51:49	XABIER	SAIZAR IBARZABAL
460	328	03:03:00	RAMON	IGLESIAS ITURRIOZ
501	357	03:05:11	IBAN	VICENTE ARTIEDA
537	5	03:06:54	LEIRE	AGIRREZABALA EZKURDIA
577	407	03:08:24	FERNANDO	GORDEJO URRESTARAZU
620	430	03:09:50	AITOR	SENDAGORTA MENDIA
922	12	03:19:02	AMAYA	IZA
1182	796	03:26:40	JOSE	GALLEGO ALONSO
1565	1038	03:35:33	ALFONSO	LEKUONA SAINZ

BILLABONA

41	27	02:41:32	HASSAN	AIT CHAU AIT CHAU
120	84	02:48:32	ABDUL	AIT CHAOU
124	87	02:48:38	AITOR	TEJERIA AIZPURUA
207	145	02:53:50	BEÑAT	VITORIA INTXAUSTI
951	659	03:19:59	AITOR	ZALDUA BRIT
959	665	03:20:16	AXIER	ARRIETA AROCENA
1424	308	03:31:40	AIMAR	VILLA IÑURRITA
1560	145	03:35:26	ALBERTO	URANGA MENDIZABAL
1713	376	03:40:28	JABIER	PARRÓN LUCEÑO
1953	1265	03:48:47	XABIER	ALUSTIZA GOÑI

BERROBI

201	51	02:53:22	IBAI	MADINA AIZKORBE	BERROBI

LIZARRAKO MENDI DUATLOIA ETA MARATOI ASTEA.

Esperantzarekin ginen Lizarra aldean ateri izango zela, ezen gauen euria barra barra bota baitzuen. Lizarran ateri zen, baina gauean asko bota zuela eta jendea kezkatu zegoen han egon zitekeen lokaztiarekin, baina ikusi zena zera izan zen, hemengo eta bertako lokatz kontzeptua desberdina dela. Lokatza izan zen bai, baina Amasakorekin konparatuz gero huskeria izan zen bertakoa.

Irabazlea Jon Erguin izan zen, azken hiru probak irabazi ostean berrito ere lidertza eskuratu du. Lizarran lasterketa buruaren motoaren atzetik zihoala ibildez nahastu zen motoa eta metro gutxiago egin zituen, baina ordurako errenta majoa hartu zen, eta aurkariek ez zuten inolako pegarik jarri garaipena berari emateko. Argi ikusi baitzuten zein izango zen eta karreraren patua.  (motoa ohiturari jarraituz Lizarran ospatzen den "Open Navarro  BTT"ko bidetik sartu zen, gure karrera ere berdina zen azken jeitsiera oso teknikoa salbu)
Bertaratu ginenak hiru izan ginen oraingoan; Liher (21. ez zen erabat gustura mutila, beraz hurrengo igandean berriz egurra emateko gogoz da), Iñaki 30 (oraingoan ere beste arazo mekanikoa bat izan zuena, oraingoan katearekin,). Yon ( Out, bizikletakoan utzi behar izan zuen). Lehen biak bat etorri ziren idearekin zera izan zen, lizarrako pistetan 29"ko bizikletak izugarrizko abantaila duela, lanak izan zituzten bizikleta hauek jarraitzen, eskerrak gero bidetxur earrak bazeuden!. Hurrengo zita, igandean Zalla, azken aurreko proba. Ea zenbat animatzen diren gure taldetik, 

Bestalde, datorren igandean lehiatuko da Donostiako maratoia, bertan izango dira gure taldekide batzuk, hala nola, Haritz Mendia, Andoni Uralde, Ibon Gonzalez ( 25km ko testa 3'45"n egin zuen duela astebete!), Akaso besteren bat ere ateratzekoa, hala bada aipatu mesedez!

48. BEHOBIA-DONOSTIA LASTERKETA

Eguraldia ez zen aitzakia izan atzokoaren ere 48. ekitaldian, 21000 izan ziren irteera lerroan 4000 etxean geratu zirenak.  Iazko hego haize berotik, aurtengo euri eta hotzera. Oso desberdinak urte batetik besterako denborak, horren islada jendeak lortu dituen markak.Gizonezkoetan Jaume Leivak irabazi zuen (1h01') eta emakumezkoetan Oihana Kortazar mendi korrikalariak (1h15'). TTTko irabazlea beste behin Berrobiko ordezkaritzan izan zen, gizon proban lehiatzeaz gain korrika ere bikain moldatzen dela erakutsiz. Oker ez banago gainera Jose Luisen Berrobiko errekorra ere segundu dexentetan hobetzea lortu zuen.

Patinetan (ez det ulertzen zergatik deitu behar zaien Roller, hitz ingles bat, hemen bizitza guztian pa-ti-nak deitu ostean...), Ion Marin eta Igor Aranburu izan ziren, nahiz eta sailkapen nagusian euren izenak ez atera, zmz jun zan asuntoa?

Taldekoen sailkapenak, (dorsal ofizialakin atera direnak, besteen berri baduzue ba komentatu)

Ibai Madina: 1h10'32"
Ion Alberdi: 1h11'21"
Aitor Elduaien 1h22"13"
Sinoe Sanz 1h18'36"
Jon Irazustabarrena: 1h27'04"
Alar Sevillano:1h32'55"
Edu Gonzalez: 1h23'40"
Liher Etxeberria 1h20'54"

Gainetik begiratu det, beraz seguru baten bat ahaztu zaitela.

Bestalde, datorren Igandean Lizarrako Mendi duatloia ospatuko da. Korrikako sektorea misteriorik gabea da, parke eta bidetxurretatik, zailtasunik gabea, jeitsierako arroka batzuk salbu. Bizikletako entretenigarria oso, hasieran Lizarrako aldeko gari soroetako pista zabaletatik, baina gero bidetxurretatik barrena, azken jeitsiera oso oso politarekin, dudarik gabe zirkuitoa ezagutzeak mesede egiten duen probetako bat da.

AMASAKO MENDI DUATLOIA ETA PRE-BEHOBIA

Dutxak gainbaloratuta daudela esan zidan aurrekoan montanbaikean bizitza guztian daraman lagun batek.  Zenbat aldiz, EHko txoko desberdinetan gorputza eta bizikleta lokatzez zikindu ondoren iturri edo erreka ixkinen batean kentzen zituzten zikinik handienak, bai gorputzekoak baita ere arropakoak ere.  Horrelaxe izan zen Amasako 11. mendiduatloiean,  frontoiko dutxak itxita eta Billabonara jeitsi beharrean, ba erabat marroiak zeudenez parte hartzaile guztiak eta erropa sekoa jazteko gogoa zegoenez, ba bizikleta garbitzeko mangera hartu eta hantxe aritu zinen bata bestea mangerarekin garbitzen, ur fresko freskoarekin eta 15 bat graduko tenperaturarekin. Ura hotza ona omen da errekuperatzeko ezta?

Amasako zirkuitoa ikusgarria da, edo gora edo behera, azkar edo mantso, ez dago tarteko ezer, benetako montanbaika dudarik gabe. Belaze batean barrena lehenik, ziklokrosa bailitzan,  lokatzezko jeitsiera gaiztoa ondoren, jeitsiera azkarra ematekoa gero, igoera pikoa , itoa,ia dena sartuta egitekoa,  repetxo itogarriak, artasoroko eta beste hainbat belazetako jeitsiera ikusgarri-azkarrak, eta igoera nekagarriak, lokatza belarra zen leku bakoitzean izaten den bezala, eta klaro segun ze kubierta zenuen ba festan beste modu batean sartzen zinen. Erorikoak hamaika izan ziren egunean zehar, normala , belardiak lokazti bihurtzen direnean aurreko frenuarekin ez da hitzegin behar eta atzekoarekin ere ez askorik, destinoan eta pilotoan abilezian esku utzi behar da dena. Horixe da benetako montanbaika, pilotoaren abilezia.
II. Euskal Herriko duatloi zirkuitoa Amasan from 28 Kanala on Vimeo.

TTTko lau partaide izan ziren bertan, eta horietako bik soilik izan zuten helmugara iristeko aukera, basurde kasta erakutsiz lokatzetan zuten guztia eman ondoren (basurde kasta laurek erakutsi zuten lokatzetan!!) Egia esan, TTTko mendi sekzioak bazirudien lanak izango zituela talde osatzerakoan aste hasieran baino sekzioko alde batek interesa eta gogoa azaldu zituen asmoa aurrera ateratzeko. ;)

Jose Luis: lehen korrika saioan taldetxo bat bidegurutze batean nahastu zen, tartean Yus, Jose Luis eta beste batzuk, eta horrek zenbaiti ez zien mesederik egin. Remontatzea beti da gogorra, hala ere berak esan zuen ez zela bere eguna izango, ze lokaztian ez zela batere gustura ibili, zapore gazi gozoarekin zen dudarik gabe, nahi izanez gero hortxe daude Lizarra, Zalla eta Murgia arantza ateratzeko. 55ºizango zen helmugan.

Edu: entrenatzera atera zen, berotualdi bat hartu eta etxera joateko, baina azken itzulian sartzean zulatua izan zuen eta aldatzego gogorik ez zuenez, erretiratzea pentsatu zuen. Baina entrenoa hankatan eraman zuen.

Artutxa: hau ere entrenatzera, baina Eduri zulatuarekin lagundu zion eta eta txoixo pintsoa jatera joan ziren biak, , ederki egin zuten! hau ere entrenoarekin etxera.

Iñaki: Latigoarekin atera zen, buruarekin jakinik bizikletan ia ordubeteko lana zela, bigarren itzulian arazo mekaniko doble baten ondorioz denbora tarte ederra galdu zuen, gero aurrera egin zuen berriro, baina pena horrekintxe geratu zen, 25garren izango zen sprinta berastegiar nekaezin batekin galdu ostean.

Hurrengo zita, Lizarran Azaroak 18an. Zirkuito dibertigarri batean, denetik duen horietako bat, ea eguraldiak lagundu eta zirkuitu azkar bat topatzeko aukera dugun azkeneko lokaztiak alde batera utziaz.

Eta Igandean Behobia, urteko zita handia  korrikalari askorentzat, egia esan ulertzekoa ere bada bertako anbientea ikaragarria dela eta.  Gure taldekideak ere bertan izango dira, patinekin eta zapatillekin, eta Jose Luisek esanda bezala Berrobiko errekorra berriro ere arriskuan egongo da, jendea oso indartsu baitago. Egia esan, eztakit zenbat diren ateratzekoak, hori sailkapenekin egiaztatuko dugu eta ahoz ahokoarekin. Badakizue, asteazkenean azken entreno fuertea eta atseden hartzea, behobian denan beharra izango da eta, funtsean oso proba gogorra baita. Zorte on eta disfrutatu bertaratzen zareten guztiok!

KIROLA BAI.......PARRANDA ERE BAI!!!!!!

Izenburuan diogun bezela....kirola bai...parranda ere bai!!!!!
Urte bukaerara iristen ari gara eta eldu da denboraldia behar dan bezela amaitzeko ordua, iritxi da taldearen eguna ospatzeko momentua, nolabait kirola alde batera utzi, praktikatzeaz behintzat, ze pikeak, apostuak eta erronkak milaka agertzen dira egun honetan, eta gure artean normalean egiten ez degun zerbait ( batzuk behintzat) egiten disfrutatzeko ordua.
Aurten badira aldaketa batzuk, hasteko goizeko aktibidadea oraindik ez dakigu zein izango dan baina badaude aukera batzuk, horietako bat itxi ez gero abixatuko degu, eta bestela urtero modun egingo degu zerbait gose pixkat edukitzeko bazkal orduan.... bestalde aurten bazkaria ortzadar elkartean izango da chef "edu gomez noya"-ren eskutik eta bide batez Ero-etxe elkarteari atseden bat emango diogu, bazkal orduan behintzat..........
Eta bestela ezer berririk, urtero legez seriotasuna eskatzen degu izena ematerakoan, aurten denbora askorekin abixatzen ari gara jendeak "baimenak" eskatu behar baditu bere lanak behar dan bezela egiteko, beraz argi eduki, "ez dakit" guretzat "EZ" da, eta ez itxoin azken ordurarte.

besterik gabe, esan egun haundia abenduak 1-n izango dala eta goizerako hitzordua jarriko degu aurrerago.

SAN ESTEBANGO XV. KROSA

1987ko urriak 12 batez, San Esteban auzko bizilagunek  Tolosaldean oso errotua dagoen krosa antolatu zuten estreinekoz. Lehen ekitaldi hartan, garaileak Peio Garin eta Maria Luisa Irizar izan ziren (ustez izen hauen entzun nituen megafoniatik gauzak esplikatu zituztenean, okerrik ezean zuzendu mesedez). Biak hala biak jada dorsala janzteko mundu hau utzia dute. Mutiletan izango dira urtero urtero atera direnak ere, neskatan aipatzekoa da adibidez Rosi Talavera, lehen edizio hartan onenean artean izan zena era aurrekoan ere hantxe izan zelarik onenen artean. 25 urte hauetan gauza asko aldatu dira, 2004a bitartean San Blas bi aldiz igotzen zen zirkuito gogorra antolatu zuten, orduz geroztik arrazoi bat edo besteagatik ez zuten ibilbide berdina berdina egin hurrengo edizio guztietan, 2 urte baino gehiagotan ez zuen iraun ibilbide aldaketak, baina iaztik eta herriko obra guztiak jada amaituta, zirkuito "ofizial" berria osatu dute, 10km dituelarik, bastante zehatza gainera, 7 repetxorekin, (beno san blas portu da), eta hori gauza positiboa da, ibilbide jakin bat izatearena, errekorrak eta antzekoak konputatzeko. Kuriosidade gisa esan, urte askotan (ez dakit zenbat, baino 10 baino gehiagotan ustet det), egun berean Berazubiko montanbaik martxa izaten zela, honek ere ibilbide desberdinak izan zituen, 26km-35km-42km... izatera iritsi zelarik, baina hemen gainbehera izan zen parte hartzaileen artetik eta egun jada ez da antolatzen.

www.kiroltraining.com -etik hartutako argazkia.

Gu, TTT-MAHALA , ere bertan izan ginen, azken 25 urte hauetan bezala, gure patrozinadorean nikia erakusten. Aurtengoan eguraldi goibela zela, irteera baino lehen euria egin zuen, gero atertu zuen, eguzkia ere atera zen... baina 20' ostean egundokoa bota zuen, 10' izan ziren, baina blai eginda utzi gintuen, hura euri jasa, eta ondoren barealdia izan zen, ekaitz guztien ondoren bezala, baina gutxitan harrapatu gaitu horrelako euri jasak lasterketa batean. Hala ere, Ecotrimad 2011arekin konparatuz gero, huskeria izan zen...

25. urteurrena San Esteban auzoko krosak from 28 Kanala on Vimeo.

Denetan azkarrena Santurtzi aldetik etorritako Hicham Oualla izan zen, Unai Arroyo 2, Eneko Garin 3, Ander Ortiz 4., Iker Beristain 7. Hauek lehen zazpietan sartzea lortu zuten, eta zergatik aipatu ditudan ba Tolosa CF taldeko fondo kirolarietako elitea eta etorkizuna direlako 17-20 urte artean baitituzte. Beraz etorkizuna eurena da, eta nola ez, harrotasunez betetzekoa da , herriko krosean herriko taldeko kirolariek txapela irabazteko lehiatzea kanpokoen aurrean.

XXV. San Esteban Krosa/Tolosa (2012ko sailkapenak)

Bestalde, larunbatean Gorbeia Suzien mendi lasterketa jokatu zen, 28km, zituen bertan izan Iñigo Aseginolaza. Igandean 3hondartzetako krosa jokatu zen, bertan ere ordezkaritza izan genuelarik. Ordezkaritza izan ez genuen lasterketa Gallartako mendi duatloiean izan zen, baten bat azaldu bazen, ez zuen lortu behintzat metara iristea.

Larunbatean XIVorduak montanbaikean egiteko asmoa, dirudienez eguraldiak lagunduko digu oraingoan, gainera lokatza ere izango degu zenbait tokitan... beraz konpleto, hitzordua badakizuen goizeko 8tan "66" Tabernan/Berazubiko Plazan. Eta erropa eraman, guante luzek.... ze Aralarren haize fina izango da.


 Pd: Antolakuntzak dioen bezala, propagandik entzuten ez bada ere, hurrengo urtean urriak 12an goizeko 11tan XVI edizioa antolatuko da. Beraz, badakizue.

ARRIARAN EHko. mendi duatloiko IV. proba

Oraingoan ere taldeko partaidetza oso juxtua izan zen, Lier izan zen oraingoan errepresentazioa 15. postuan sailkatuz. Berarentzat zirkuitu aproposa zen, zirkuituak zituen jeitsiera teknikoengatik, baina aurten bere helburu nagusietako bat nBehobia da,  noski proba hauetan ere parte hartzeko asmotan da, horregatik hemendik aurrerakoetan sasoi puntua gorantza doan heinean iaz bezala top10 ugari egingo ditug gauzak ondo bidean. Oraingoan Luis Mari Urizarrek irabazi zuen, eta Jon Erguin 3. sailkatu zen. Dudarik gabe, aurten ez da iaz bezain sasoi betean goierritarra. Eta Luis Marik bere belauneko minak ere ahaztu dituela dirudi.

Egun berean, baina goizean Oiartzunen Aiako Harria montanbaik maratoia lehiatu zen. 55km Aiako Harrietan barrena, ibilbidea zoragarria, bidexka, pista,belaze... eta behingoagatik lokatzik gabe, horren adibidea bizikleta hautsez iritsi zela eta erropa garbi, lokatzik gabe, hautsez klaro. Bertara kuadrila polita gerturatu ginen 11 hain juxtu ere, batzuk azkarxeo besteak lasaixeo baina denek lortu zuten helmugara iristea. Dudarik gabe proba oso polita, baina gogorra, 2000m desnibel positibo zituen, beraz ez zen proba makala, gainera egin zuen hego haizearekin tenperatura ba dexente igo zen urria izateko eta kalanbre festea ere izan zen partehartzaileen artean. Eta baina "petardo", Pako lagunaren, arazo mekanikoen... festa ere...

Pd1: Urriak 12 goizeko 11tan San Estebango auskalo zenbatgarren krosa, 26? 27?... 10km dituen ibilbidea, gogorra tartean 6 aldapatxo pasa behar direlarik, batzuk motza, besteak luzeak, batzuk pikoak, besteak ez hainbeste... gogorra dudarik gabe egurrean joanez gero. Badakizue, mahalako kamiseta hartu eta izerdia ateratzea, ez dago zertan tope egin beharrik.... azkenarentzat dozena pastel egon ohi dira...

Pd2: Pilarikako asteburua zubia denez, ez,  baina, hurrengo data urriak 20 larunbata, goizeko 8tan "66"n/Berazubiko plazan, XIVorduak MTB egiteko asmoz. Ea eguraldiak laguntzen digun eta jendea animatzen den.