URTEKO 51. SARRERA, aurtengoz kitto.

Urteko 51. idatzitxoa, hamaika kontu kontatu ditugu aurten ere, eta hasieran batean iazkoa berditzea oso zaila ikusten genuenean zast!, ordukoa hobetu dugu. Garaipen asko izan dira, eta nolakoak gainera...

Emozionatu ere egin garelarik zenbait unetan. 

Baina askotan esan izan dugu, MAHALA-TTT talde bat dela, lagun taldea guztiaren gainetik, garaipenak indibidualak izan arren gehienak eta zenbaitetan taldekoak  erdietsi. Giro atsegin eta sanoa dugu gure etxe honetan, bakoitzak argi du kirol honekin zer lortu nahi duen, eta akaso horixe da guztiaren giltzarri sendoa. 

Ez gara hasiko lerro hauetan urteko gauzak gogoratzen, horretarako post desberdinak berrirakurtzea besterik ez duzue,  edota beste urteetakoak ere bai... eta zinez da esperientzia polita, guztian bezala denbora pasa denaren seinaleaz jabetzeko. 

Gaurkoan bi aipamen egin nahi nituzke, bata bi ibartarrentzat,  Maitane Garmendia eta Beñat Doiartzabalentzat. Ia sei hilabetez hegoamerika zeharkatu dute bizikletaz eta Ushuaia-ra iritsi ostean etxera bidean datoz.  Eta aste hauetan guztietan irakurri izan ditugu euren gorabeherak gure gustuko blogen atalean klikatu ostean. Bejondeizuela bioi!  

Bigarren aipamena liburu batentzat da, Dina Bilbao taldekide ohiaren buruzko bizitzari buruzkoa. Gu gazteagoak garenontzat aukera paregabea nor zen hobeto ezagutzeko. Oraintxe labetik atera berria da eta tolosako zenbait komertziotan eskuratu dezakezue jada 12€.

 Liburuaren azala

Eta abenduaren 31an 16:30tan ume haundiok Tolosako San Silbestrea dugu urtea izerdia atereaz bukatzeko, bertaratzen diren taldekide guztiek eraman dezatela MAHALAko kamiseta!!!

PODIUMETIK PODIUMERA... PODIUMERA BIDEAN...

Zizukil, abenduak 14, gaueko 22:30, hotz dago, eta giroa hozten doa zeru ilun oskarbi baten azpian. Baina hotz gutxi dute korrikalariek. Tartean MAHALA-TTTko bost kide, Ibon, Iñaki, Danel, Sonia eta Maialen ,  beste batzuk barreraren beste aldean animo oihuak ematen. 7km aurretik, eta bertan Ibon 3.  (23'17") izan zen, sprintean Iker Pagola tolosarrari irabazi ostean, Maialen ere bikain aritu zen podiumearen lehian azken kilometroan sartu artean, azkenean 4. izango zen.  Karrera amaierako txokolate beroaren detailea egundokoa izan zela ezin aipatu gabe utzi.  Zizurkilgo gau krossa 2013; Sailkapena

Zizurkilgo gau krossek podiuma

Astebete beranduago, Orion distantzia berdinean 7km tan berriro ikusi dituzte aurpegiak Ibon eta Ikerrek  baina oraingoan 1. eta 2. izan dira hurrenez hurren,  podiuma borrokatzetik lasterketa lehaitzera pasa direlarik. 23'12"ko denboraz irabazi duelarik. Lasterketa berean, 14km-ko distantzia Maider Gaztañaga 2. izan da, Claudia Behobide irabazlearengatik 9" eskaxera. Orio 7km sailkapena   Orio 14km sailkapena  Bertan izan dira baita Alar, Danel, Gorka eta Ion. Aipatu gainera Donostian aurreko asteburuan lehiatu zen krosean Alarrek lortu zuen 12. postua. Libre lasterketa Donostia. Sailkapena 2013.

Hurrengo zita Abenduak 31n izango da San Silbestreren batean, bitartean entrenatzen segituko dugu, edo eskiatze teknikak ixkutuan perfekzionatzen, edo tontodromoan hitzaspertu atseginen laguntzaz kilometroak pilatzen....

TOLOSAKO 2013KO KIROLA GALA

1.- Abendu partean urteko kirol gala ospatu ohi izan da gure Tolosa maitean.
Kirolari aipagarrienen mailan, Aimar beste hainbat kirolarirekin batera izendatu izan zen.
Diplomak: Maialen eta Aitor Regillagak ere euren aipamentxoa izan zuten denboraldi borobil baten ostean.
Eta herriko kirolari guztien artean aipamen berezia Iker Karrera mendi lasterkariak izan zuen.
 Urteko kirol gala Tolosa 2013, albistea eta bideoa.

2.- Aurreko asteburuan eskiak estreinekoz jantzi genituen MAHALA-TTTko kideok. Neguko hilabete hauetarako kirol elegante eta aproposa dudarik gabe. Reinosako espainiako txapelketa bazuk jada asteburu pasa bezala begiztatzen hasiak baitira ziurrenik.

3.- Eta larunbat gauerako planik bai? Zizurkilen gau krosa ospatzen da. Basurde batzuk jada eman dute izena... zitan gaueko 22:30tatik aurrera 7km inguruko zirkuitu batean. 

PARRANDA ONDORENAK....

"MAHALA BASERRIKO PRODUKTUAK", gure babesle nagusiari eskerrik handienak eman nahi genizkioke larunbatean eman zigun hamaiketakoagatik eta bere instalazioak erakusteagatik. 

ALPE D´HUEZ, izan zen behin baino gehiagotan atera zen triatloiaren izena. 2009an gerturatu ginen MAHALA-TTTkoak bertara baina ezin izan genuen helmuga marra pasatzea lortu. Uztailaren 30an triatloi luzea 2200-115-22, uztailaren 31n  triatloi olinpikoa 1200-30-7 eta uztailaren 27an duatloia 5-17-2,5 eta uztailaren 29an umeen triatloia. Denetan nola ez, Alpe d´´Huez handia igotzen da. Oporretarako paraje eta aitzakia  polita dudarik gabe. http://www.alpetriathlon.com/fr

NATILLAK: Ikatzako natillak ere postre klasiko bihurtu dira, hala ere larunbatean pertzatik natilla ontzia "rulatzen" hasi ginenean "el sumun" izan zen.

WATXAPA: watxapeko azken mezuak  06:38 inguruan izan zen, baten batzuk ez zuten oherako gogorik eta hori sagardoa eta ardoa edaten hamaikak baino lehen hasi ginela leaburu aldean....

MENUA ETA TERTULIA: Mundiala! Aupa sukaldariak!

 
ZARAUZKO KROS MISTOA: Maiderrek eta Mitxel Cuadradok osaturiko bikoteak 2. postua erdietsi zuen. Lasterketa lehiatua izan zen, irabazleak 27'00", 2. 27'03" eta 3. 27'14"ko denbora egin baitzuten. Ainhoa ere bertan izan zen, hauek ere oso ondo 59. postua lortuz.

BERROBIKO HERRI KROSA: Mahala-TTTko kasta, gogortasuna tolosaldeko herri txiki honetatik datorrela esatea ez da handikeriatan aritzea. Data berria jarri dute oraingoan egutegian, iaz uda izaten baitzen. Ibon Gonzalez 2. izan zen irabazleagatik 3" exkaxera, Jose Luiz Zabala 4., Ion Alberdi 5. eta Ibai Madina 8. Sailkapenak Berrobi herri lasterketa 2013

MAHALA nahi?...umm... mundiala dago...

MAHALA, gipuzkoako herri txiki bateaan dago,  Leaburun duela jada hamar urte baino gehiago hasi ziren Mahala Baserrikoak baserriko produktuekin lanean.  Egun ia 40 hektarea dituzte euren animaliek bertan bazka dezaten  gero kalitatezko produktuak ekoiztu ahal izateko.

MAHALAK, %100 produktu naturalak eskaintzen ditu, ( Yogurtak, arroz esnea, natillak, behi gazta, behi esnea, urdaiazpikoa, txorixoa, xolomoa...) prozesu osoan zehar gogo, ilusio eta kontrol zehatzak eramanez.

MAHALAK: 2009n geroztik Tolosaldeko Triatloi taldea Babesten du, eta Euskadi irratian aspaldiagotik ere ezaguna da bere iragarkia, "yogurra, nahi? mahala...umm mundiala dago...", eta beste hainbat lekutan ere izan da babesle moduan.

TOLOSALDEKO-MAHALA T.T.: Egun maila handiko taldea da, "pata negra" dexente ditugu. Lagun talde handia gara, eta horregatik hain juxtu ere Azaroaren 30an ospatuko dugu urteko lasterketerik gustagarrienetarikoa. Ekipoko bazkaria, afaria, eta... gosaria... baina lehenik MAHALAko baserrira joango gara gauzak ondo bidean modelo lanak egitera. (Horrelako gorputzak zeozertarako aprobetxatu beharko baititugu palizak emateaz gain...)

 

Mahala ekipoko beste protagonistak

MAHALA- ren izen aurten Proba mitiko askotako podiumean izan da, Bilbon, Zarautzen, Monegrosen, Euskadiko ta gipuzkoak txapelketa desberdinetan... eta 2014an ere berdintsu ibiltzeko asmotan gabiltza.

 Kalitatezkoa eta freskoa, eskulana.

 Protagonista gehiago...

Ez duzula MAHALAko produkturik ezagutzen? ba hurrena erosketak egitera zoazenean fijatu, edo bestela larunbatetan Tolosako azokara etorri, zerkausi aldera, eta probatu. Merezi du benetako yogurt zaporea probatzea... eta bidez batez gauza asko egiten dituzu, gertuko ekonomia bultzatu, dieta zaindu,  kalitatezko produktua freskoak dastatu, eta gure super taldeari bultzadatxo bat eman.

http://www.mahalanaturala.com/

ZE PENTSA...

Elurra ari du. Mendiak zuritzen doaz, eta jendea elur gosez da. Batzuk eskiatzeko, beste batzuk bere gainean korrika egiteko, eta beste batzuk trineoan aritzeko edo elur bolak elkarri botatzeko... Baina hilabete hau bukatu artean ez dira eski pistak irekiko. 

( Oskorriren abesteti ederra)

 Aste bereziak izan ohi dira azaroko hauek, herrian ez dugu festa faltarik parrandarako, eguraldi txarrak ere pereza handiagotzen du eta ez dugu dortsalik jartzeko gogo berezirik.  2014ko egutegia zirriborratzen goaz. Aspaldiko partez kirola-osasuna eginez ari gara, eta ez kirol-entrenamendua, gauza oso desberdinak baitira. 

Neguko hilabete hauetan, batzuk modelo lanak egiten ere hasi dira.  Hauxe idatzi zuen bere feisbukean duela egun batzuk Maiderrek "Tremendamente agradecida a la tienda de Triatlon Yepá en Donosti. Este año tendré la ayuda de SURAL en material deportivo. Ropa de bici, running, natación, compresión y accesorios de todo tipo SURAL a nuestra disposición en Yepá. Muy chulo todo!!!! A la espera de recibirlo ;-))))" merezitako saria dudarik gabe. www.yeoaweb.com

Bitartean igande honetan Donostiako Nazioarteko Maratoia. Urtero bezela, basurderen bat bertan izango delakoan gaude, baina izen emate taula ikusteko zailtasunekin gabiltza. Dudarik gabe igande goizerako plan polita goizeko 9tatik aurrera.


Bilboko Triatloieko karteleko argazkian Aitor Regillagaren argazkia jarri dute, zerbaiten aurrerapena akaso? Bilbo konkistatu beharko degu 2014 ere! Zita maiatzaren 24an.

Pd: segi entrenatzen hilaren 30erako... egun luzea izango da eta....

BEHOBIA ZENBATEN?

Dena ez da behobia, gaurkoan bazegoen beste kirol zitarik euskal herrian. Mendiduatloi zirkuituko lasterketa, Ozaetan, Araban.  Iñigo Aseginola 12. izan da. 

(Argazkia: Jorge Morelas Gutierrez)

Gaur ordea munduko atletismo txapelketa Behobiatik Donostiarakoan jokatzen zen. Egin ditzakezu 10km t  35' azpitik, sub 37' azpitik, 40' azpitik... maratoi erdian 1h20, 1h25, ... baina betiko galdera izaten da kalean, Behobia zenbatean? Horrek bereizten du kalean, matxaka pertzepzioa...

Gaurkoan hauxek izan dira emaitzak, (dortsal ofizialekin parte hartu dutenak, besteen berririk ez dut)

Ibon Gonzalez 1h10'50"

Jon Alberdi 1h12'35"

Ibai Madina 1h13'44"

 Javi Rodriguez 1h15'18"

Edu Gonzalez 1h22'25"

 Haritz Mendia 1h23'58"

Aritz Igleasias 1h26'52"

 Sonia Muñoz 1h30'30"

Ainhoa Lekuona 1h38'56"

BEHOBIA BEZPERATAN

Behobia bezperatan gaude, atseden egun lasaiak igandera arte, goizeko 10tatik aurrera dugu guztia eman ahal izateko. Batzuk kontzientzia guztiz prestatu dute, zifra miragarrien ametsetan , beste batzuk zahartzen ari ez direla ikusteko erabiliko dute, betio denboretan ibili asmoz. Baina denek bertako magiaz gozatuko dute.

Larramendiko I. krosean, Larramendi Krosa 2013. Sailkapena.  Ibon 3. izan zen, eta auzoko txapelduna !! Jose Luis 9. Guztira 120 partaide inguru. Dudarik gabe zita polita datozen urteetarako herriko pikeak gauzatzeko. 

Amasako Mendu duatloia: Aitor  Regillagak lehen 5etan egin zuen lehen korrika saioa, baina azkenean 12. izan zen. Kazetariak galdera egin zion, arazo mekanikoak edo? Ez, arazoak nik eduki ditut esan zuen, jendea ziztu betean zijoan bizikletan... eta nahiko lan, eta lokatzetan ere susto batzuk hartu genituen... Unai Aizpuru ere bertan izan zen, ia denetan ari da parte hartzen,  eski denboraldirako punttuan jartzeko asmoz. Amasako Mendiduatloia 2013. Sailkapena.

Eta Maialen eta Daneleek osaturiko bikoteak...https://sites.google.com/site/raidmontesdehierro/home

Raid batean hartu zuen parte beste behin. Hona hemen euren taktikaren nondi norakoa hitz gutxitan

26.taldea. resumen ttiki bat. Dpm hasi ginen lehenengo taldekin (ze ezagutze genitun aurreko raidetiken ze talde eon zitezkeen aurren), bigarren kobazuloko sarrera aurkitzeko orientazio fallo ttiki bat euki genun ta atajoa uste genuna zana azkenen kixton luze intza, hortik aurrea dena okertu zan, kobazuloko proba espeziala inda, puntuazio gehiena zekaten puntuta abitu ginen, baino biden berriz ere mapekin arazoak euki ta oso urrutia jun ginen, denbora asko galdu genun, limiteaino apuratuko genun lehenengo sekzion puntuk gehienak biltzeko ta boxesea 3minutu sobran allau ginen, ozta ozta. Horrek erabaki bat hartzea bultzatu gintuen eta 2.sektorea bizikletakoa ez egin eta 3.sektorea osorik (puntu guztien bila) joatea erabaki genuen. Helburu txiki hori bete genun, taktika ez zen txarra ze euri ekaitzen aurreikuspena zegoen ta horrekin suposatu genuen jendean rendimentuan bera ingozula ta azkeneko sekzioan etzutela puntu gehiegi lortuko, ze bizikletako sekzioa zan puntu gutxina zeuzkana.

Azkenen euria berandu hasi zan, guk 3.sekzioa oso txukun ingenun puntu guztik lortuz, baino lehengo sektorean izan genitun orientazio akatsek klasifikazioa izorratu ziguten.

"SUMA Y SIGUE"

Suma y sigue,
horrela doa MAHALA-TTTren zakua udazken honetan ere.
Pasa den asteburuan (urriak 19-20koan). Jakan bertako duatloi cross famatua lehiatu zen, eta bertan gure Aitor Regillaga izan genuen, 3. postua lortu zuelarik. Jakako duatloia 2013. Pasa berri den asteburuan ere Perdigueron izan zuten zita, Monegrosman zirkuituko proba, eta plaza ona da dudarik gabe gure taldearentzat  bertan, eta gauzak mitifikatze aldera,  ba boxetara berandu saru zen bizikletako bueltak gaizki kontatu ostean... edo oso fuerte zijoan eta gehio nahi zuen edo erabat itsu zihoan.... kar kar kar. Eta noski, halako festaren ostean ba erabat jokoz kanpo geratu zen. Pena, ze podiumeko saltsan baitzioan. Eta hori gutxi ez balitz, nesketan ere Itsaso ere primeran zijoan oilarren artean, lehiatzen, baina zulatu desatsegin baten ostean bera ere jokoz kanpo geratu zen. Baina ikusi zuen, pixkanaka pixkanaka lotan zeuden sentsazioak esnatzen hasi zirela, aupa zu!
Monegrosman duatlon cross. Perdiguero. 2013. sailkapena.

Azpeitiko ikasberri krosean, Maider eta Mitxel Cuadradok osaturiko bikoteak lortu zuen garaipena
Azpeitiko krosa mixtoa. sailkapena. 2013

Zumarraga Urretxun: VI. Goierri Garaia mendi lasterketa: 23km 1551m +. Iñaki izan genuen bertan 18. km arte bikain zijoan, atzetik aurrera eginez baina Irimo-ko azken 4km tako jeitsieran hankek bale esan zioten, eta trotatzen, ahal zuen bezela allatu behar izan zen helmugara. Konklusioa, masajista gehiagotan bixitatu behar da eta gorakako harro haizeak behera ordaindu egiten direla. . GoierriGaraiaMendiLasterketa.pdf.sailkapena.2013.

Ataungo 3 auzoetako krossa. Irabazlearen izenarekin  ez gaude batera ados, baina tira, hortantxe utziko dugu aipamena. 16. izan zen Ion Artutxa, Edu eta Gorka ere hantxe izan ziren bidelagun.
Ataun 3 auzoetako krossa 2013.sailkapena

Donibane Lohitzuneko EHko maratoi erdian, Ibon Gonzalez 6. Donibane Lohitzune 2013. Saillkapena.

Larunbat honetan Tolosako Larramendi auzoko I. lasterketa. Larramendiko Krossa. 2013. Informazioa eta izen ematea.  Animatu Mahalako kamiseta erakustera, eta animatu baita ere inguruko guztiak eta kanpokoak. Plan ederra kanpokoentzat, goizen azoka ikusi, pintxo batzuk jan, siestatxoa eta krosan parte hartzera, eta gero ba gerokoak....


Pd: taldekideren baten bat beste nunbaiten izan bada eta ez badegu aipatu, ba aipa dezela komentariotan, idazleak ez baitu bere berririk izan!

GORBEIA SUZIEN 2013

Zeanurin 29km eta 2000m + ko zirkuitu ederra prestatu ziguten. Euskal Herriko txapelketa zen, eta ez zen oilar faltarik, baina hemengoak gutxi ez eta Salomon taldekoak, New Balance, Sportiva,... eta beste hainbat taldetako ordezkariak etorri ziren. Zegama Aizkorri zirudien momentu batzuez, eta ziur horrela segiz gero urruti baino lehen izugarrizko lasterketa izango dutela. 9ko lasterketa izan baitzen, 10ekoa ez, beti baitago zer hobetu horrelakoetan.

Madalena goxo askoak prestatu zizkigun Ainhoak, kalabaza zaporezkoak, mundialak, eta haiek janaz joan ginen ohera ostiral gauean hitzaspertu atsegin baten ostean.

Goizean, esnatzean haizea txistuka, beldurra ematen zuen, baina eguna argitzearekin batera baretu zen,  eta gaitzerdi, ze Gorbeiako tontorrean (1411m) ez zen giro izango ordu haietan...

 Bazkari ederra eman ziguten frontoian, "saltsa" faltaik ez genuen  izan...

 Amaieran ere irribarrearekin...

 Irteeran irribarrea ahoan eta tximeletak sabelean...

 Bakoitza bere saltxan.... (aurkezle ofizialaren paperean)

475 partaide ziren irteeran izena emandakoak, eta gure basurdeen emaitzak honako hauek sailkapen orokorrean:  Gorbeia suzien 2013; sailkapenak

50. Iñaki Insausti 3h08'08" (Lokarria askatuta, zapatilla lokatzetan ahaztuta,... baina sentsazio ederrekin, atzetik aurrera eginez)
117. Iñigo Aseginolaza 3h23'49"(Bideokamara ematea tokatu zitzaion, baina gorbeitik aurrera ez  omen zuen berak nahi zuen pausoa bilatu)
367. Alar Sevillano 4h32'58" (Helmugan esan zuenez, aldapa beherak guztiak soberan zeuden)
370. Ainhoa Lekuona 4h38'03" (Beldur guztiak uxatu zituena, bejondeizula!! ederra lortu dezu palmareseako!, hoi bai lokatz gehio ekarri behar da helmugara eh!)
371. Igor Otero 4h38'04" ( Gorbeian hotza pasa omen zuen..)
372.Ion Artutxa 4h38'05" (laister ahuntzak bezela!)


Hurrena gehio ta hobeto! Bitartean entrenON!

2. KLUBEN ARTEKO ESPAINIAKO DISTANTZIA LUZEKO TXAPELKETAN

BARTZELONAKO IRON MANA

Astebete igaro da Bartzelonako IM-ko resakatik, ikargarria izan zen bertakoa MAHALA-TTT rentzat. Espainiako distantzia luzeko txapelketan, kluben artean 2. sailkatu ginen. Nork esango zigun emaitza hauek lortzera iritsiko ginela duela urte batzuk...

ELITE mailako sailkapenak

Aimar Agirresarobe: 8h47'15"  17. eta espainiako txapelketa 3. postua. Zer esan dezakegu beretaz? guk ezer gutxi aurtengo bere  super denboraldiaz. Bere blogeko post berrian kontatuko omen ditu bertako bizipenak. Ezinegonez gaude irakurtzeko ...Bejondeizula egindako denboraldiaz basurde!

Alberto Vaquero 9h02'47".  28. eta espainiako txapelketako 8. postua. Aimarren emaitzez ikaragarri poztu baginen Albertorenaz zer esan. IM distantziari trukoa hartu dion mutila, urtetik urtera erlojuari segunduak jaten joan dena, eta bere prestakuntzan erabat asmatzen duena. Erregularra erabat, eta gutxitan huts egiten duen horietakoa sasoiko badago. Ziur arantza hortxe izango duela sub9arekin, ezen hainbeste ordutan 2' eskax detaille nimiñoetan joaten baitira. Ez baitago edonoren esku horrelako erronka bat prestatu eta  lortzea, bejondeizula zuri ere!

ADIN TALDEtako emaitzak
Iñigo Esnaola. 11h08'58". Gasteizko arantza kendu zuen, horixe nahi zuen, eta berrogei urte bitartean egin nahi dituen desio horretan beste bat poltsikuratu zuen. Zakua betetzen dihoakio dudarik gabe!


ARRIARANGO LOKATZAK
Bartzelonako IMaren atarian jokatu zen mendi duatloi zirkuituko 3. proba. Bertan izan ziren Lier 10. , Unai Aizpuru 36. , eta Iñaki 57. Arriaran, sailkapenak.  Merezi du 1' osteko jeitsiera ikustea, bertako lokatz festaz gozatzeko! Arriaran , Bideoa


SAN ESTEBAN KROSA 2013.
Mutiletan 2. eta 3. Aitor Regillaga eta Ibon Gonzalez basurdeak elkarrekin sartu ziren eskua emanda.
Nesketan Maialen Muñoz 2. izan zen eta 4. Sonia Muñoz.
San Esteban krosa 2013, sailkapena

GORBEIA SUZIEN: 
Datorren larunbatean Gorbeia suzien mendi lasterketa lehiatuko da Zeanuri, 28.8km , desnibel + 1700m inguru. Euskal herriko txapelketa eta ia 400 ahuntz aterako dira bertan. Eta tartean nola ez basurdeak. Gorbeia Suzien WEB, enbaja polita izango da dudarik gabe, ea eguraldia lagun iazko lokaztirik ez dugun! edo bai.... ;)

PD: argazkiak falta direla somatuko zenuten post honetan, mobilean nituen mordoxka, baina datuak PCra pasatzeko kablea auskalo nun sartu dudan eta ez da agertzen, ea hurrengorako agertzen zaigun!

MATERIALA

Material sekzio berri bat sortu da blogean bigarren eskuko materiala saldu/erosi ahal izateko.Eskubialdean Papa Noelen enlazea duzue bertara sartu ahal izateko. Egia esan oso aukera ederrak daude, ez galdu aukera eta begirada bat bota sekzio berriari. Ez zarete damutuko!!!!

Materiala

Aurrerapen txiki bat...

COMILLASEKO GARAIPENA ETA BARTZELONAKO IMaren ATARIAN...

"Aurtengoz bukatu dira nire denboraldiko triatloiak. Comillasen hankari dagokionez bigarren txanpa gaindituta. Pozik! Triatloi eta paraje politak. Pozik berriro ere Estefania Gomez eta Inma Pereirorekin egon ahal izateaz!"  Hauxe idatzi zuen sare sozialetan gure taldekideak larunbatean Comillaseko triatloia amaitu eta irabazi ostean.  Bitik bi triatloi, Zumaiako eta Comillaskoa, joan zen bezela itzuli da, ate handitik. Ziur gainera, horrelako argazkiak ateratzen badizkiote gehiagotan lehiatu nahiko duela. Argazkilaria Jorge Morales Gutierrez da eta bere argazkiak zeresan handia ari dira  duten ikusgarritasunagatik. 

Lasterketa berean, baina gizonezkoetan Aimar 8. izan zen, postu ona esango du jendeak, baina postu erabat mikatza, bizikletan 2garrena harrapatzear zegoela, bidez nahastu eta urrezko minutu parea galdu zuen, eta ikusita  garaipenerako lehia erabat galdu zuela (azken aldian gaizki ohitzen ari zaigu...) astebete beranduago iron mana zuela oroitu eta hanka altxa zuen.  Bi hauek batera badira lasterketetan podiumak binaka kontatzen hasi beharko degu.... ;)


Urriak 6a ere begiz jota dute gure hiru basurdek, eta gainera hiru basurdeak zaurituak dira... 
Batetik Iñigo Esnaola, Gasteizko iron manean korrika saioan utzi zuen txakalaldiak jota,  arantza kentzera joango da, eta berriz ere  finisher sentitu nahiko du sentimendi eztanda batekin. 
Bestetik Alberto Vaquero,  udaberrian eroriko latza izan zuen bizikleta sektorean zirkuituko proba batean,  Bilbo eta Zarautzi ezetz esan behar izan zien, pena handia izan zuen,  begiz jota baitzituen, baina gauzak nola diren, buruari buelta gehiego eman gabe Bartzelonako aukera eskuen aurrean jarri, udan ondo entrenatu, fin fin jarri, San Juan de Luzen sasoiko dagoela ikusi eta ahalik eta ongien egitera doa, bere ametsa, nahia, desioa, sub9 izango da, nahiz eta umiltasuna lagun, ez duen helburu hori jendeari esan nahiko. 
Eta bukatzeko Aimar Agirresarobe, denboraldi honetako triatloiak izan duen izar dizdiratsua. Urtez urtez koxkatxoa igotzen joan dena, eta egun onenen alboan dabilena, Bilboko triatloiko irabazlea, Zarauzko triatloian Eneko llanosen atzetik bigarren, horiek distantzia luzean aipatzekoak. Gasteizerako ezin izan zen jarri Aritzalekuko eroriko beldugarri horren ostean, baina itzuli da eta hau ere joan den bezala itzuli da , ate handitik. Bartzelanoko IMean ,bere areriorik handiena bere burua izango da, ez baitio jada inorri ezer erakutsi beharrik, bere buruarekin lehiatu nahiko du eta bere gorputzaren mugaren bila joango da txapeldun handiak bezala. http://www.challenge-barcelona.es/es


Mendi duatloi zirkuituan, Mallaboan jokatu zen II. proba. Bertan Lier Etxeberria topa 10ean sartu eta eta Unai Aizpuru ere bertan izan zen . Lierrek sailkapen nagusiko top5 izango du amets eta horretarako lehiatuko da. Hurrengo zita Arriararen larunbat arratsaldean , berarentzat zirkuitu aproposa delarik, jeitsiera oso bihurriak baititu. 

AIMAR 4. SUANCESKO TRIATLOIAN ETA ITSASOREN ITZULERA!!

IMerako 2 aste eskas falta direla gure Aimarrek azken test handi bat egin nahi zuen; hasteko larunbatean 200km egin zituen bizikletan eta igandean hankak zituen moduan izanda Suancesera hurbildu zen bertako triatloia lehiatu asmoz. Gustura zen mutila egindakoaz, beti nahi da gehiago, baina jakitun zen bezperako saioak hanketan bere ondorioa izango zuela. Azkenean 4. izan zen, lasterketaren lehian sartuta ibili zen, baina amaierarako berak esanda bezela hankak ez zihoazen bihotzak nahi bezain azkar.Bartzelonan lanak eman ditu basurde honek!!

Larunbatean Mutrikuko I. triatloi herrikoia ospatu  zen, hurrengoa urtean zirkuituko proba izango delarik.  Bertan Itsaso Leunda, aurtengo gure fitxaketa izarretako bat, triatloilari  sentitu zen  berriro. Dena bide obetik doala dirudi, laister zara zuk nahi bezela entrenatzen!

 Ikaslea irakaslearekin...

Azkenenean ez zen lehiatu Tolosako Skyrunning txapelketa, jende gutxik izena eman zuela medio. Propaganda falta dutela iruditzen zaio sarrera honen idazleari. Kartelak ere azken 2 astetan atera zituzten, nahiz eta interneten baze bere berri.... eta bertako penak kentze aldera mendiko sekzioalarunbat honetan Olazagutiako mendi  lasterketan izango da.   http://www.sakanerria.com/olatzagutia-urbasa/. Eta igandean baten batzuk Mallabiako mendi duatloian ere izango dira zirkuituko II proba lehiatuz.

REGILLAGA DONOSTIN TXAPELDUN ETA ALBERTO 4. HALF IRONBASK-en

DONOSTIA: WILDWOLF SERIES 2013

Bakarrik iristea bezalakorik ez omen dago garaipenaz gozatzeko, hori diote txapeldunek,  eskuak altxatze horrek sentimendu eztanda eragiten omen du barnean...

... Ba bizipen hori berriro sentitu zuen Aitor Regillagak igandean Donostian lehiatu zen Wildwolf series barneko triatloi olipinkoan. 2008an debutatu zen mutil honek zumaiko triatloian, ez omen zekien igerian... , bizikletan afizionatu mailan punta puntan ibiltzen zen garai haietan, eta korrika ba beretzat ez zeukan misteriorik gaztetan baloiaren atzetik Amaroz KEn ibili ondoren. Beste guztia badakizue. 

Azken kilometroan... garaipenaz gozatzen

(Argazkia: TTT-Watxap)

IRONBASK 2013:

Urteetan San juan de Luzeko triatloi bezala ezaguna, baina iazti, distantzia mota guztiak dituen proba; sprint, olinpiko, olinpiko bikoitz edo IM erdia eta Iron Mana.  Gure Alberto IM erdian atera zen,  hemendik aste gutxira urriak 5ean Bartzelonako IMean lehiatuko baitu Iñigo eta Aimarrekin batera. Test moduan hartu zuen proba, bere burua probatu nahi zuen, udan etxeko lanak ongi egin ote zituen ziurtatu... eta bai , primeran zegoela ikusi zuen. Udaberrian eroriko handia izan zuen  euskal zirkuituko proba batean bizikleta sektore amaieran emakume batek errepidea gurutzatu eta bere aurka talka egin ondoren, kosta zitzaion errekuperatzea, baina esan bezela itzuli da. 4. izan zen 1,9km igerian 90km bizikletan eta 21km korrika egin ondoren. 

 IBARRAKO III. MENDI DUATLOIA

Ibarran beste behin giro aparteko giroa izan zen mendi duatloi zirkuito lehen proban. Bertan izan ziren mendiko sekzioko zenbait kide. Alar, Edu, Iñaki eta Lier.  Esan behar da TTTko lehen postua oso garesti egon zela eta azken kilometroan txispak atera zirela ohorezko postu horren bila.  Ibarra 2013; sailkapen orokorra

IRAILAK  21: TOLOSA SKYRUNNING CHANPIONSHIP

Ba horixe, 18km inguru daude Tolosa eta Ernio artean, 1000m+, gora erdia behera beste erdia, zita larunbatean goizeko 10tan.  Informazio gehiago www.kirolprobak.com atarian. Bi urtez behin izaten da, beraz zalantza baduzu ez itxaron.

ZUMAIKO TRIATLOIKO DOBLETEA

Asteburu borobila izan zen, lasterketa bikaina egin zuten beste behin MAHALA-TTTko kirolariek, taldeka irabaztea bakarrik falta izan zitzaien, 3. izan ziren sailkapen honetan larunbatean lehiatu zen Zumaiko Triatloian, eta aldi berean gipuzkoako txapelketa ere bazena distantzia sprintean.
 Bideo labur bat bertan pasatakoa, ikusteko.

Mutiletan Aimar izan zen garaile (bere blogeko kronika partikularra) eta nesketan Maider. Biak ala biak berriro itzuli dira zirkuitura, eta joan ziren bezela itzuli dira, sasoi bete betean. 23urte azpiko mailan, zer esan dezakegu Maialenetaz? Ba etxean jada arazoak dituela hainbeste txapel eta garaikur gordetzearekin, beste behin podiuma zapaldu zuen. adin maila honetan erabateko erregulartasuna erakutsiz. Aitor Regillaga ere bikain aritu zen top 10aren barnean sartu zelarik, 6. izan zen, bizikleta gainean latigoa astindu zuen, baina erabat gaitzetsi zuen igeriketa saioan gorro berdeko baten jarrera, jo eta jo aritu omen zitzaien bai bera eta bestei, eta gaizki pasa zuela, oso gaizki, emandako kolpeen ondoren. Oraindik sarritan galdetu egiten dugu batzuen jarreraz, eta azkenaldian behin baino gehiagotan entzundako kontua da.

Gainontzeko basurdeen emaitzak:

 

1	0:56:55	85	AIMAR	AGIRRESAROBE
6	0:58:43	92	AITOR	REGILLAGA BELOKI
32	1:03:02	93	GORKA	SARASOLA GORRITI
1	1:03:39	5	MAIDER	GAZTAÑAGA
43	1:03:55	89	IÑAKI	LEKUONA PINDADO
56	1:04:41	95	MARTIN	MARTINEZ MUÑOZ
87	1:07:07	90	DANEL	LEUNDA AYASTUY
99	1:07:44	94	ALAR	SEVILLANO AMATRIAIN
119	1:09:06	91	IGOR	OTERO URANGA
7	1:10:23	6	MAIALEN	MUÑOZ LOPE
161	1:14:11	86	IÑIGO	ANDREU GASTAMINZA

Datorren asteburuan bi zita garrantzitsu ditugu, bata larunbatean Ibarran. III. mendi duatloian. Arratsaldeko 16tan izango da irteera eta nola ez, MAHALA-TTTkoak bertan izango gara beste behin. Zirkuito ederra,  prestatzen dute ibarrako lagunek eta bertan bizitzen den giroarekin motibazoa gainezka izaten dute kirolariek. Lehenik 6km korrika plazatik bi aldiz paseaz, gero 14km montanbaikarekin 7 bide ingurutik eta plazako sagastietatik pasaz bi itzulitan, eta azkenik 3km korrika.

Beste zita igandean Donostian izango da, bertan Wildwolf Triathlon series-eko proba lehiatuko da. Bertan ere izango dugu ordezkaritza. http://www.triathlonseries.org/ts2013/sansebastian2013_esp.html


Pd:  Igandean Valle de Pineta V. mendi karreran lehiatu zen Iñaki, 24km +1500m, azkenean 26´5km izan zirelarik, batetik birritan okerreko bidea hartu zutelako eta bestetik ibaia hazita zegoelako rodeo handi xamarra eman behar izan zutelako.Aurten ez zen Aragoiko koparako baliagarria eta oilar batzuk  falta ziren, akaso horregatik edo sasoi puntu onean dagoelako sekulan imaginatu ez zuen postuetan lehiatu zen bere aukerak ederki probestuz.  V. Valle de Pineta sailkapena

IRAILEKO AZTERKETAK

 Iazko gizonezk irabazleak absolutuan eta herrikoian

Iraila ekainean suspenditu zutenen plaza izan hoi zen urtetan, ez dakigu horregatik edota  nota igotzeko asmoz baino bihar larunbata, basurdeok Zumaiko triatloian izango gara. 14 ordezkari guztira, eta tartean aurten gure kolore urdinak berriz soinean dituela iazko irabazlea, Aimar Agirresarobe. Aitor Regillaga ere bertan izango da. 23 urte azpiko mailan, Maialen Muñoz ere hantxe, baina akaso gehien poztu gaituen etorreratariko bat Maider Gaztañagarena izango da. Auskalo sasoiz nola ibiliko diren, baina berriz dortsala jartzeko aukera izatearen  albistea ontzat hartuko dugu. Eta hauei guztie laguntzen nola ez, gainontzeko guztiak,  Iñigo Andreu, Aitor Elduaien, Borja Insausti, Iñaki Lekuona, Danel Leunda, Martin Martinez, Igor Otero, Goraka Sarasola, Alar Sevillano eta Jose Luis Zabala.

Full gas!!

 Argazkia: poyete channel

Pistako bizikletan zaildutako mutila izan da urtetan Danel gure basurdea, pasa den asteburuan Zarautzen Fixi motako bizikletekin osaturiko kriterium batean parte hartu zuen. Harbideak, kurbak, jendea...denetik zuen ibilbide zoragarri batean 13 itzuli inguru eman zituzten, eta nola ez, nahiz eta atsalde hartan lehen aldiz holako bizikleta batekin nola frenatu ikasi ondoren, bertan e ibili zen harro harri eginda.  ;)

Bestalde, mendi aldeko ahuntzek, Gorbea Suzien (urriak 20) begiz jota dutenez, hoietarikoren  baten bat pirineotara doa, Bielsara, Valle de Pinetera, Ordesako leku zoragarri hartara bertako mendi lasterketa batean lehiatzera. http://carreravalledepineta.blogspot.com.es/.


Pd: gogoan izan datorren larunbatean Ibarrako III. mendi duatloia dela, beraz animatu!!! 2 proba izango dira. Bata betikoa luzea, eta bestea herrikoia. Informazio gehiago www.mendiduatloia.com

ABUZTUA

San Bartolomeak izan dira asteburu honetan Ibarran, eta asteburu honetan estanpa politak izan ohi dira batik bat larunbat goizetan Tolosa eta Ibarra artean, batzuk azokan eta beste batzuk ibarrako plazatik etxera bidean, denak ere goiz antxean, elkar agurtzen dira, elkarrizketa eta situazio erabat kuriosoak biziaz. Gauza polita dudarik gabe.

Abuztuan ere izan du gure taldeak zer lehiatu,
CN Pamplona: Abuztuak 4ean lehiatu zen, bertan Aitor Regillaga 2. izan zen, Ignacio Muler bakarrik izan bera baino azkarragoa, gazte honek dudarik gabe berea du etorkizuna triatloiaren mundu honetan. Maialen Muñoz aldiz 23urte azpiko mailan berriz ere 1. izan zen beste behin.

 2. Postuko triatloilariak. Aitor Regillaga eta Ibone Sanchez

(Argazkia: Fototri)

Ultzamako mendi triatloia: abuztuak 15ean, plaza ona izan da urteetan gure taldearentzat. Bertan Danel Leunda 16. sailkatu zen. Maialen Muñoz, absolotoko 2. izan zen, lasterketa bikaina egiten ari zen, lehen postuan zijoala ordea erorikoa izan zuen, eta eta jada beldurturik egin omen zuen jeitsieraren bigarren zatia.  Bejondeizula !

Ezkabako I. Raid ean ere ordekaritza izan genuen asteburu honetan. Maialen eta Danelek osaturiko bikoteak , mixto taldekako proban podiumeko 2. postua erdietsi zuten, montanbaikean, korrika, rapelatzen eta orientazioan aritu ondoren.

 Argazkia: TTT-Watxap

Bestelakoan, nahiko lasai dabil gure taldea. serio-serio entrenatzen  hiru bakarrik,Alberto, Aimar eta Iñigo. Besteak kirola egiten, baina askok jada hurrengo astean fundamentuzko saioren batzuk egingo dituzte, irailak 7an lehiatuko duten Zumaiako triatloi sprintari begira.

Bestelakoan,
Peña Oroel igoera, abuztuaren 11n Jacan.  Bertan Iñigo Aseginolaza 14. izan zen, badirudi ordea, mendi sekzioan sartu ahal izateko bixarra utzi behar dela...

 Argazkia: TTT-Watxap

Neguko Triatloiak ispekzionatzen udako egun beroetan, irudian Santa Ines mendatea, Vinuesako neguko triatloieko aldapa.

 

 Argazkia: TTT-Watxap

XIVorduak mtb arekin egiten ere hasi zen baten bat udazkenari begira, eta zirkuitoa erakargarriago egiteko asmoz txoko berriak ispekzionatzera abiatu zen..., baina  Ulizar ondorengo jeitsieran, ... katea puskatu... trontxakaterik ez eta... berriro ere etxera buelta gora oinez eta behera bizikletan eginez... kasualitatez ez zuen eskura goizean multiherraminta eta.... zast! Enfin.

 Ba bestelakon iraila erakargarria dator. Zumaiko Triatloia, Ibarrako Mendi Duatloia, Tolosa-Ernio-Tolosa mendi lasterketa... baina horiek hurrengo asteetan zehar kontatuko ditugu, bitartean badakizue....

REGILLAGA ZUERAN TXAPELDUN ETA GASTEIZEN FINISHER AINHOA ETA SONIA

Irudi batzuk, MAHALA-TTTren asteburu bikaina isladatzeko. Hurrengo zita igandean CN. Pamplona triatloi olinpikoan, plaza ona azken urteetan gure basurdeentzat. Asko jada oporretan, gutxi batzuk serio, baina hala ere maila ederra erakutsiz.
Aitor Zueran, Zaragozan, txapeldun  distantzia olinpikoa, drafting gace,  bakarrik helmugaratu zen txapeldun handiak  bezela. Gasteizen gure neskak finisher, Soniak 12h49' eta Ainhoak 13h12' bejondeizuela. Esnaolak aldiz arazo fisikoak medio proba bertan behera utzi behar izan zuen, baina arantza kentzeko Albertorekin batera Challenge Maresme iron manean parte hartuko du urrian.

 Argazkia: Asier Murua

Argazkia: Asier Murua

 Esnaola: akoplatuta arabako lautadan....

 Ainhoa: lautada hartako repetxo nekagarri hoietako batean...

 Sonia: Flying lautadan...

SIERRA NEVADATIK.... GASTEIZKO IRON MANera

SIERRA NEVADA:

Uretatan oso gustura aritu nintzen igerian, bizikletan nere pedal kolpe egokia bilatu eta eroso nindoan ... baina bizikleta amaitzean, ez nengoen nere onenean, beroak ere ez zidan askorik lagundu eta korrika ez hastea erabaki  nuen, erabaki zaila, baina egokiena dudarik gabe. Erabaki onenak ez baitira askotan gustukoenak izaten.  Hala ere sekulako parajeak ikusteko eta bidaitxo eder batez gozatzeko egun paregabeak izan ziren andaluziako paraje haietan pasatakoak, eta funtsean hori da inportantea! Bejondeikela Zape! Portzierto, oian udan pelikula atera behar omen dezue, noiz da estreno ofiziala?

www.corriendovoy.com

GASTEIZ CHALLENGE IRON MAN:

Ainhoa, Iñigo eta Sonia taldekiak Gasteizko iron manean hartuko dute parte igande honetan goizeko 8etatik aurrera. Igeri Landako urtegian egingo dute, gero bizikletan 60km-ko ibilbide bati 3 itzuli emango dizkiote, nahiko lauak, baina repetxo motz askorekin amaieran desnibel metatua 1000mtik gorakoa izango delarik. Beraz, llano llano ez baino llano bai... eta bukatzeko maratoia Gasteizko kaleetan barna. Iazko munduko txapelketako jendetza bilduz gero ez zaizkie animoak faltako bertan parte hartuko duteneei. Zorterik onena hiruroi, eta guztiaren gainetik disfrutatu, azken finean disfrutatzeko eguna baita eta IMko eguna. 

Gasteizko Iron Mana: informazio gehiago

Aupa neskok!

Argazkia: Sonia feisbuk

ROAD TO SIERRA NEVADA... ta beste.

G2H 
 
-  Zer pentsatzen duzu hainbeste denboran?
-  Ezer gutxi, jan, edan, eta hurrengo kontrola zenbatera dagoen,  eta  hurrengo zinta reflektantea non dagoen, batzutan gauzak oso ximpleak izan daitezke.

,,,Inondik inora espero ez nuen bisita izan nuen  Etxegarate bidean, momendu hura iritsi  arte garaitezina sentitzen nintzen, bi lengusuok bat eginik erabat indarberrituak ginen Lizarrusti bidean kilometro batzutan  izan genituen tripako arazoi batzuei erabat buelta eman ondoren, eta argi genuen elkarren anparoan  nahiko seguru ginela... baina belaunean zeoze sentitu nuen eta oinez joatea erabaki nuen   ordubete luzez Etxegaraterako 6-7km inguru falta zirela, iraganeko mamuak esnatu zitzaizkidan . Niretzat hark jada ez zuen merezi, baina merezi izan zuen ordu arteko guztiak; karrera aurreko tertuliak  eta bisitak  terraza hartan, Ordizin-Zaldibin-Larraitzen-Lizarrustin eta beste hamaika zirrikitutan jendeak emandako animoak eta laguntzak, Aralar gau oskarbi batean zeharkatzeak (demasa!!!). azken finean, hau disfrutatzeko eguna zen, oso ondo prestatuak ginen,  primeran gindoazen, eta iraun zuen bitartean zoragarria izan zen. (- Belauna zer moduz?   - Ba utzi nuen momentutik ez dut inongo minik, baina beldur nahiz probatzeko, izatekotan tendinitisen bat...., iazkoa oraindik buruan daukat... )



ANDALUZIARAINO TRIATLOIA EGITERA

Mendian, baino goi mendietan jokatuko da  larunbat honetan Sierra Nevadako distantzia luzeko triatloia,  2-80-21, korrika 2850m arte igo beharko baitute (2200 metrotatik abiatuta) bertako radioteleskopiari buelta eman ondoren berriro aldapa behera helmugara iristeko. Akaso mendietako xarma horrek bultzata eta gure basurdea mendizalea delako prestatu du seriotasun osoz proba hau.   Igeri egin ostean 900 metroko trantsizio luze bat eta gero, bizikleta sektore aldapatsu bati ekingo diote,  benetako bizikletarekin egin beharrekoa saioa, ahuntzik edo zezen adarrik gabekoa. 2400m taraino iritsiko direlarik.  Zorterik onena bertan parte hartuko duen Igor Oterori!!!
http://www.triatlonsierranevada.com/

IGERI DENBORALDIAREN HASIERA:
Igandean , Getaria Zarautz igeri zeharkaldia ere izango dugu, ura jada 21ºtara dagoelarik. Aurten ere gure herriko igeri talderik xarmangarrienak bere bainu jantzi berriak estreinatukjo ditu  uda denboraldi honetarako, kolorea, tamaina... nolakoak diren ikusi nahi badituzue zarautza gerturatu besterik ez duzue. Eta nola ez TTT-MAHALAren izenean ere partaidetza zabala izango dugu.

BESTE:
Eta jada 10 egun eskax Ainhoa, Sonia eta Iñigorentzat Gasteizko Iron Man-erako. Baina hoiek datorren asteko kontuak izango dira.

MAHALA-TTT BESTE BEHIN EUSKADIKO PODIUMEAN: Aitor Regillaga 3. Garaiko Triatloian.

Euskadiko sprint txapelketa, Aimarrek irabazi zuen, olinpiko txapelketan Regillaga 3. izan zen, eta distantzia luzean ere 3. postu lortu zuen gure Aitorrek. Hiru txapelketa eta hiruretan gure taldeak taldekide bat podiumeko kaxoain jartzea lortu du.

Bero galanta izan zen Garain, aurreko larunbatean jokatu zen Triatloian (IM erdia), baina beroaz gain enbajada ederra bertako zirkuitua izan  zen, oso gogorra, Bizkaian ohikoa den bezela, zelairik gabe, repetxo festa izugarri batekin, bai  korrika nola bizikletan.  " Gogorra zen, baina nik nahiago horrela, han inork ez zuen gurpilik miazkatzen !" zioen gure basurdeetako batek.

Aitorrek korrika saioan lehen postuan hasi zuen, bizikleta saio bikain batean ostean,  baina ezin izan zion eutsi, "ni ederki nindoan, sentsazio onekin, baina pasa didatenek beste erritmo bat zeramaten, nik ez nuena, dudan guztia eman dut, ezin nahiz kexatu".  Edu ere bikain 19. postuan sailkatuz eta hiru sektoreetan oreka ederki mantenduz.  Txapela kentzekoa dudarik gabe, txakalaldi asko izan baitziren probaren eta egunaren gogortasunak eraginda. Eguzkia nahi genuen ezta? ba to eguzkia! ;)


Asteburu honetan, larunbatean Plentziako Akuatloia eta Reto del Ebro triatloi sprint izango dira, bi proba oso ezberdin, lehenengoa bizikletarik gabe eta neoprenorik gabe, eta bigarrena bizikletako sektore erabat laua duena, Ebron igeri egiten dena eta neoprenorik gabe, honezkero jada bero bero baitago paraje haietan ura. Baina lehenago ostiralean gaueko 23tan  hasita, Goirreko bi  handiak, G2H, ultra traila lehiatuko da Beasainen, 88km desnibel positiboa +6000m dituena, Bertan izango da Iñaki, zitara buru belarri prestatzen aritu delarik aurtengoan. Probaren datuak, jakin aplikazio bat ere badagoela  on line mugikorretik jarraitzeko parte hartzaileen nondik norakoan  Mugikor aplikazioa.


Pd 1: Suitzan jokatu den munduko kopako irudi ikusgarri batzuk, zirkuito ezoiko batean, 6-8km ko portu bat igoaz eta korrikakoan aldapa pikoak igoaz. 3' inguruko iraupena du. (Bideoa)
 https://www.youtube.com/watch?feature=player_embedded&v=0axb617E290

Pd 2: Zarautzeko paseoko bizikletak horrelakoak dira. (Argazkia)
https://pbs.twimg.com/media/BOqBL4eCIAAwJVE.jpg:large

Pd 3: Oraindik garaiaz zaudete sierra nevadako espediziora jendea animatzeko...
http://www.triatlonchannel.com/ultimas-plazas-para-sierra-nevada/

Pd 4: Triatloiko azken doping aferak direla eta Xavi Llobet ek dioena bere pertsonaz.
http://camialironman.blogspot.com.es/2013/07/porque-digo-que-llobet-nos-quiere-colar.html

Pd 5: Artikulu interegarria, kirolari onak "eraiki"  edo jaio egiten dira? (luze xamarra, patxadaz irakurtzeko)
http://www.labolsadelcorredor.com/el-secreto-de-los-corredores-de-elite/

AITOR REGILLAGA 3. EUSKADIKO DISTANTZIA OLINPIKO TXAPELKETAN

1.- ZAPATO AZULE + DINAMARTXA:
Zapato azule, egundoko festa. Lehenik dinamartxa, Tolosa-Ondarru artean, Endoiatik barrena, Bidaniatik pasaz. TTT-MAHALAK ordezkaritza ofizala, (enparau hauetarako talde aproposena eman zuen) izan zuen aspaldiko partez. Ziklistei kriston ongietorria egin zieten Ondarrura iristean. Eta gero juergi itzela,  egun bukatu arte  luzatu zena....

www.zapatoazule.com

2.- ONDITZ:

 Al bazue segi, egurre!!

(Argazkia; festak.com

Batzuk eguna bukatzeko, eta beste batzuk eguna hasten.  Onditz, zirkuituko zirko handia, jende gehienna biltzen den proba. Akaso azkenaldian gehiegi, baina tira. Bertan ordezkaritza  handia izan genuen. Gure Aitor Regillaga 5. sailkatu zen, irabazle izan zen F. Godoy-k 5' eko tarte eskaxa atera ziolarik. Postu horrek Euskadiko 3. eta Gipuzko 2. izatea ekarri zion, bi txapelketa hauek proba honetan jokatu baitziren aldi berean. "Bizikletako ibilbidea motza geratu zitzaidan, katerik gabe nindoan; korrikakoa ordea luzetxo., baina merezi izan zuen hala sufritzeak." Maialen 23urte azpikoetan 3. bere aurrekoak irabazleak izango ziren australiar selekziokideak ziren. Absolutuko 13. izan zen,  "korrika hobetu behar dut" zioen,  luze xamar egin zitzaion, azken sektorea. Baina bide onetik doa etorkizunera begira.

Parte hartu zuten gainontzeko basurdeak:

 

5	2:03:13		AITOR	REGILLAGA BELOKI
99	2:17:29		EDUARDO	GONZALEZ BODEGO
114	2:18:42		JAVIER	RODRIGUEZ BARRIG
165	2:22:39		IÑAKI	LEKUONA PINDADO
173	2:23:01		ION	MARIN MAIZA
228	2:25:38		DANEL	LEUNDA AYASTUY
245	2:26:35		ALAR	SEVILLANOAMATRIAIN
268	2:28:17		IÑIGO	ANDREU GASTAMINZA
323	2:31:45		AITOR	ELDUAIEN MATEO
13	2:37:21		MAIALEN	MUÑOZ LOPE
442	2:38:16		JON	ETXETXIPIA UNANUE
515	2:42:55		ARITZ	IGLESIAS MENDIA
546	2:45:40		ANDONI	URALDE ARRONDO
32	2:48:46		SONIA	MUÑOZ MATEOS
38	2:52:31		AINHOA	MENDIA ECHAVE

Laguntasuna:

www.festak.com

3.- SOBRARBE ULTRA TRAIL:
 67km , +3900m, 2000m tik gorako bi menditzar igoaz.  Urteko lehen bero puntutxoa ere bai, Iñaki 25. izan zen azkenean, baina penaz zen mutila top 10aren lehian sartuta joan baitzen  ia 55. km arte.  Azken 9 km erabat oinez,  eguzki printzek abailduta eta desmotibatuta .  Aipatu Joseba Tobar Tolosarra 3. izan zela lasterketa berean.

 Cruz de Guardia 2108, 51km, Gurutz biden sartzen hasita...

Argazkia: www.momteperdido.com

4.- ELKARRIZKETA:
Triatlon chanel-ek gure basurdeetako bati egin dioten elkarrizketa polita.
http://www.triatlonchannel.com/aimar-aguirresarobe-entrevistado-tras-sus-grandes-actuaciones/

5.- DOPING AFERAK:
Azkenaldian pil pilean dabil gure kirola doping aferak direla eta. Artikulu ederra honako link honetan dagoena. http://salamancainef.blogspot.com.es/2013/07/doping-en-el-triatlon-parece-que-si.html


6.-  Hurrena gehio ta hobeto..., eguzkia behintzat ateratzen hasi da, gaitzerdi...